Nos ta celebra Dia di Labor na Aruba 1 di Mei 2017. Laga e dia aki fortifica e lasonan entre nos clase trahador y nos doñonan di trabao. Ta varios generacion a lucha sacrificando nan bida pa mas derecho laboral tanto na Europa y Merca. "Throughout American history, workers had to fight to get better pay and shorter hours — evenings and weekends weren’t just handed over by lawmakers and benevolent managers." Nos na Aruba un isla den Reino Hulandes y cu Foreign Direct Investment di Merca y Venezuela mester crea un balans Social Economico. 

Aruba a sa di trece un bon balans den crea un economia fuerte y husto. Mas y mas e ultimo añanan mas abuso laboral ta resalta den nos comunidad. Varios sindicato a expresa esaki, recien tawata sindicato di FTA unda ta mustra con gobierno no ta proteha nos mercado laboral debidamente. Tin varios pais cu no tin proteccion pa nan trahadornan y ta wordo explota pa un grupito bira biyonario. Último ta e caso di corupcion laboral di Minister Paul Croes. Den pasado a purba di kita e dos luna di proeftijd y haci esaki 24 luna. Esaki atrobe kitando e paz mental y empleo fiho pa nos hendenan. Nos di Movimiento Electoral di Pueblo kier un economia fuerte bao dos condicion: 1. Trata nos hendenan cu respet. 2. Paga nos hendenan bon, combina cu beneficionan secundario. 
Logicamente nos mester keda inverti den enseñansa y productividad. Tambe nos mester baha e cost of doing business na Aruba. Esaki ta compromisonan cu nos di Movimiento Electoral di Pueblo tin cu nos digno pueblo. Gosa y aprecia Dia Di Labor cu famia y amistadnan. Ban hunto pa e cambio September venidero unda Movimiento Electoral di Pueblo lo percura pa nos clase trahador, un partido Social democrata.

Expresionnan haci den e articulo aki no necesariamente ta refleha opinion di ArenaPoliti.co