Perspectiva Independiente without background 001

Joselin Croes (POR): Lo traha duro pa Aruba haya un centro special di detencion pa hobennan (jeugddetentiecentrum) y un booth camp pa hobennan problematico

JoselinCroes04
Como abogado penal Joselin varios bes a defende hobenan cu ta cai sera pa motibo cu nan a comete un of otro acto criminal. Hopi biaha ta pa hortamento, atraco, bendemento di droga, traficacion di droga, pelea den gang, stacamento di otro cu cuchiu na skol, joyriding etc. 

Ta papiando di hobennan entre 12 pa 18 aña. E maneho actual di OM ta pa no sera hobennan jong den KIA. Nan lo purba prome pa yuda e hobennan via reclasering, formqshon social of duna nan un scual y despues di 10 dia sera na warda di Polis laga nan bai cas bek.  Pa esnan cu a comete un acto criminal pisa of ya caba a cai sera den pasado lo por haya castido pisa y lo bai sera den KIA hunto cu e adultonan. KIA no ta brinda e hobennan aki e oportunidad pa caba nan studio den KIA. Tampoco e ta brinda nan e oportunidad pa den un ambiente sano prepara nan pa drenta bek comunidad y caba skol y haya un trabou. 

E problema di criminalidad, mal uso di droga, alcohol, mal comportacion y problema di gang ta uno grandi cu tin consecuencia fatal riba nos turismo y nos comunidad..

Na aña 2014 hoofdofficier van Justitie Peter Blanken a scirbi un articulo den Amigoe na unda e la adverti gobierno riba e problematica grandi y creciente di “jeugdcriminaliteit”. Den e articulo e la señala cu e edad di hobennan cu ta comete un acto criminal ta birando cada bes mas jong cu 12 aña y cu e unico opcion pa e muchanan aki ta e programa di reforma social pa muchanan mas bieuw di 18 aña of reclassering. E la indica cu Voogdijraad y Reclassering tin capacidad limita pa por yuda e muchanan aki, paso e mucha mester kier wordo yuda. Tambe e la bisa cu pa muchanan cu problema psychiatrico y pshyhico no tin ningun tipo di ayudo na Aruba.    

Pa loke ta trata KIA e la bias cu e rapport di CPT a indica cu KIA no ta cumpli cu e normanan internacional di detencion y sigur no pa loke ta trata encarcelacion di un hoben.

E centro di detencion cu E Forsa Nobo ta visualisa ta uno na unda e hoben por capacita su mes personalmente, fysicamente y profesionalmente. E mester di por bai skol tur dia, bai gym, bai un psycholoog, pasa dor di un rehab y e mester traha pa gana un salario. 

E centro di detencion mester ta uno moderno cu ta multi facetico cu un parti di dje por wordo usa como un booth camp tambe pa rehabilitacion di hobennan problematico. Un centro coreccional pa hobennan cu mester ayudo cu disciplina, valor y moral. Un centro cu ta brinda e hoben speransa y positivism pa corregi su mes.

E Forsa Nobo POR tin e hende na prome luga, pa nos por brinda un mihor calidad di bida na tur famia nos meser yuda cada famia cu ta campa cu problemanna cu nan yiunan cu pa un of otro motibo ta cai den problema di gang, droga, criminalidad.

E bon di esaki ta cu nos no mester inventa e wiel. Hulanda na aña 2002 a bin cu un rapport yama “Jeugd Terecht” na unda nan a bin cu puntonan di action pa pak aan e probelma di jeugdcriminaliteit. Aruba tambe bou di tur gobierno a traha hopi rapport con pa pak aan e problema, pero nunca a implementa ningun di nan.

E ta nos compromiso pa duna e hobennan aki un second chance in life. Por ta cla pa implementa e plan di accion nesesario pa soluciona e problema di jeugdcriminaliteit. 

Expresionnan haci den e articulo aki no necesariamente ta refleha opinion di ArenaPoliti.co

x

 

Inscribi pa ricibi un resumen semanal di e articulonan mas impactante.