Perspectiva Independiente without background 001

Prome Minister Mike Eman: Programa Formacion Social ta bira mas grandi ainda den futuro

170829 formacion social
Prome Minister Mike Eman na entrega di certificado     

ORANJESTAD – Prome Minister Mike Eman a expresa hopi alegria pa mira otro grupo finalisa un trayecto di Formacion Social. E biaha aki tabatin 6 graduado, kendenan tabata hopi entusiasma di drenta un etapa nobo di nan bida.

Prome Minister Eman den su discurso a bisa cu e hobennan aki ta simbolo di algo mas grandi.  E proyecto aki ta un simbolo di con por anda y traha cu otro den Reino, y esaki ta bini a base di e union cu ta sinti entre otro. “Nos ta traha mas a base di loke ta uni nos enbes di loke ta separa nos.”

E hobennan aki na cierto momento a sinti cu nan ta perde hopi oportunidad, y e Gobierno aki algun aña atras a dicidi di busca ayudo di Hulanda pa lanta e programa aki y e cooperacion ey a wordo duna tambe. “Esaki a pone cu  nos por a duna un oportunidad nobo den bida na mas di 100 hoben. Esaki ta un bunita ehempel di con Reino por traha hunto. Door di “bezuinigingen' Hulanda no ta coopera financieramente mas, pero si cu e parti di material. Cu e tipo di cooperacionnan aki nos por transforma bida di un hende positivamente.”

E mandatario tabatin hopi elogio pa e hobennan kendenan ta wordo transforma pa un otro tipo di persona, cu mente sano, perspectiva cu nan ta sinti cu nan tin bek den bida, solidaridad pa cu otro y cu awor mester bay wordo poni den nan bida diario tambe. Prome Minister Eman a gradici famia y amigonan cu nunca a laga e hobennan aki cay den momentonan dificil di nan bida. Pero tambe el a expresa gradicimento na tur instancia y empresanan cu ta habri nan portanan pa e hobennan core stage den e periodo cu nan ta den e Trayecto Social.

Prome Minister Eman a expresa cu lo bay haci e programa di Formacion Social hopi mas grandi y miho ainda den futuro.

Expresionnan haci den e articulo aki no necesariamente ta refleha opinion di ArenaPoliti.co

x

 

Inscribi pa ricibi un resumen semanal di e articulonan mas impactante.