Oranjestad – Nos ta den e siman na unda 1 aña pasa partidonan MEP, AVP y PDR a vota pa legaliza matrimonio di mesun sexo na Aruba usando amienda 7 como e vehiculo pa logra esaki. Esaki ta un bofta den cara di Dios y den cara di e pueblo creyente na Aruba. E partidonan cu a vota voor pa amienda7 ta bin cu e argumento  cu Hulanda lo impone matrimonio di mes un sexo na Aruba. Esaki no ta berdad y un mentira grandi pa hustifica nan mal decision. Hulanda no por impone matrimonio di mesun sexo ariba Aruba mirando cu Corte Superior di Europa a laga sa den su sentencia na Juli 2016 bon cla cu ningun pais por impone matrimonio di mes un sexo ariba un otro pais e ta un asunto di e pais su parlamento y cu matrimonio di mes un sexo no ta un derecho humano tampoco. Igualmente algun dia pasa corte superior di Israel a dicta cu matrimonio di mesun sexo no ta un derecho humano. Bo tawata sa cu e amienda 7 cu AVP, MEP y PDR a vota VOOR pe 8 di September 2016 ta igual cu matrimonio? Ta parce cu e partidonan MEP, AVP y PDR  no a lesa e amienda 7 di 9 pagina mescos cu nan no a lesa net nada di e  2000 pagina di e CITGO deal. Dicon e amienda 7 ta igual cu Matrimonio di mesun sexo? Pasobra 1. e proceduranan di casa pa raad ta IGUAL na e proceduranan pa wordu registra como  un   pareha di mesun sexo. 2. E firmamento di e acto di casamento regular ta tuma lugar dilanti un ambtenaar y e firmamento pa wordu registra como pareha di mesun sexo tambe ta tuma lugar dilanti di un ambtenaar. 3. E derechonan y debernan di un pareha casa ta igual cu e derechonan y debernan di un pareha di mes un sexo cosnan manera allimitatie y voogdijschap di yui. Te hasta parehanan di mesun sexo tin mas derecho cu esnan cu ta casa.

Esnan cu ta PRO e Amienda 7 ta PRO casamento di mesun sexo. No laga nan gañabo. Pa elecion di 22 di September ta cua partidonan ta PRO amienda 7 y asina PRO matrimonio di mesun sexo??? AVP, MEP, POR, RED, MAS, PPA/UPP y RAIZ. Partido CURPA ta e UNICO partido politico cu ta CONTRA Amienda 7 cu ta significa CONTRA matrimonio di mesun sexo. Partido CURPA lo percura cu Amienda 7=Matrimonio di mesun sexo no bira un realidad na Aruba y nos lo ta e unico partido den un coalicion cu lo exigi pa e amienda 7 keda sin wordu implementa. Ta parce cu e proximo eleccion ta un referendum pa determina cuanto hende ta pro of CONTRA e amienda 7.

Drs. Robert Anjie
Canndidato #6 CURPA

Expresionnan haci den e articulo aki no necesariamente ta refleha opinion di ArenaPoliti.co