Diaranson ultimo Parlamento di Aruba a cuminsa cu tratamento di presupuesto 2015. Contrario na e forma cu a trata esun di 2014 e anja aki a dicidi di trata cada ministerio apart. E promer riba agenda tawata husticia y akinan miembronan di nos fraccion a pone hopi enfasis riba un Aruba insigur. Parlamentario Besaril tawata e promer cu a duna su disertacion. E la elabora den su den su prome tanda riba entre otro e legado cu "Boy" Ecury a laga atras pa esnan cu tin e tarea sagrado di sali na vanguardia di Husticia y Libertad den nos comunidad. Besaril a elabora en extenso riba e falta di convivencia di parti di e mandatario di Husticia y a hasi e pregunta cu si e mandatario tin pensa di bini cu un departamento (mane ta e caso na Hulanda) cu lo por yuda e profesionalnan den e cadena di Husticia na midi e deseo di Pueblo pa cu nan seguridad. Por ultimo Besaril a elabora riba e presupuesto su contenido y e puntonan cu e Fraccion di MEP ta considera cu a keda demaciado superficial. Hecho cu ta hasi sumamente dificil pa midi si e intencion di e Gabinete den e Presupuesto pa loke ta e tema di "Husticia y Seguridad" ta realisabel y/of realistico.

Lider di fraccion Evelyn Wever-Croes na su lugar a pone enfasis riba entre otro cu pobresa ta causando mas criminalidad Parlamentario Wever-Croes a declara “ Gabinete Mike Eman a redobla nos debe nacional, desempleo según nos encuestanan ta yegando 15%. Miles y miles di famia ta biba na margen di pobresa y nos economía ta stagna.Tur esaki ta bai causa MAS criminalidad., pasobra un tata di famia cu perde trabou, no por haya trabou ningún caminda, por pensa di comete un crimen contal e pone cuminda riba mesa pa su yiunan. Pues mirando e situación caótico cu gabinete Mike Eman tin nos pais aden, nos ta teme cu e presión riba husticia lo bira mucho mas fuerte. Esaki ta sin tene na cuenta cu Gabinete Mike Eman a pirminti CFT y a priminti Hulanda cu lo introdusi 24 medida nobo, cual lo causa un aumento di lastendruk di 10% según CFT pagina, manera nos ta lesa riba pagina 3 y 4 di e rapport. ARUBA MERECE MIHOR ! Nos kier mira nos pais mas sigur, pa asina nos grandinan por keda cas trankil ora nan famia bai traha, y no worod mara, bati y atraca. Nos kier mira rond di nos scolnan bon vigila pa nos yiunan por bai scol trankilm of bai cinema y gosa di nan infancia y hubentud. Nos kier pa ora cu nos caba di pasa den e desastre financiero aki, cu nos pueblo tambe sali ileso di esaki. Pagina 2 CFT ta bisa cu lo tarda 20 anja pa nos recupera di e 5 anjanan di desastre di Mike Eman. Locual nos mester evita ta cu aki 20 anja, e operación tbt exitoso, y finanzas tan a orden, pero e pacient a muri, e pueblo mes no a sobrebibi. Operación exitoso pero patient mes a muri ARUBA MERECE MIHOR, Aruba merece un gobierno cu realmente ta lucha pa hasi nos pais mas sigur.

E reunion a continua y parlamentario Xiomara Ruiz-Maduro tambe a hiba palabra. Den su disertacion e esencia tawat e parti di ilegalidad y sucesonan den awa territorial di Aruba. Parlamentario Ruiz-Maduro a hasi preguntanan na Minister di Husticia relaciona cu ilegalnan cu ta drenta via laman, contrabanda di arma, droga y koper , rijbewijs cu tin hopi keho y tambe riot comando cu a maltrata hoben y hende grandi y nada ta wordo haci cu nan keho na husticia. Den e segundo tanda Parlamentario a pone enfasis tambe riba casonan di hacking, hedging, permiso, tereno. A cuestiona si encaso landsrecherche ta investiga esakinan.

Parlamentario Ady thijsen a bai riba e parti cu gobierno ta kibrando e comunidad. Su palabranan tawata lo siguiente:” E maneho di e gobierno actual a kraak e comunidad Arubano (ontwrichting van de samenleving. Actualmente tin hopi desempleo, problemanan social, criminalidad mayoria biaha bou nos hobenan. Casonan di tiroteo, hincamento y bringamentonan ta tuma lugar riba un base repititivo.Ademas di esaki crimen organisa ta birando mas grandi mientras e pueblo ta sigui sufri sin cu e tin stabilidad, trankilidad y seguridad. Hecho ta cu no tin un maneho integral pa soluciona e problemanan. E maneho di husticia no ta haya prioridad cual ta algo di lamenta, tawata palabranan di parlamentario Ady Thijsen.

Expresionnan haci den e articulo aki no necesariamente ta refleha opinion di ArenaPoliti.co