Awe (3 juni 2015) parlamento Hulandes a trata un ley* di Reino pa prevencion y combatimento di violencia contra hende muhe y violencia domestico. E ley di Reino (Rijkswet) ta basa riba un tratado Europeo, y lo conta pa Aruba tambe.
Cinco parlamentario di Aruba a extende nan bishita pa Hulanda despues di e Interparlamentaire Koninkrijksoverleg (IPKO), pa por participa durante e tratamento di e ley di Reino aki. Parlamentarionan Dammers, Thijsen, Bikker,
Sneek y Ruiz-Maduro a hiba palabra durante e prome y di dos tanda di e reunion. Cada fraccion (AVP, MEP, PDR) a entrega mocion.

Tawata algo diferente pa wak nos parlamentarionan keda completamente al caso durante un reunion parlamentario, sin drama, sin papia ora otro ta na palabra, etc... ;-)
Klik play pa scucha e disertacionnan y mocionnan di e parlamentarionan.

Comunicado relevante:
Xiomara Maduro (MEP): Reino ta aproba ley pa preveni y combati abuso contra hende muher y abuso domestico
Rene Herdé pa fraccion di AVP: Ley di reino contra violencia na cas ta wordo trata awe den parlamento Hulandes

*Goedkeuring van het op 11 mei 2011 te Istanboel tot stand gekomen Verdrag van de Raad van Europa inzake het
voorkomen en bestrijden van geweld tegen vrouwen en huiselijk geweld (+ uitvoering).

Expresionnan haci den e articulo aki no necesariamente ta refleha opinion di ArenaPoliti.co