Hulanda y Italia ta sera deal pa asiento | Oposicion ta cuestiona rol di Mike Eman
Diamars 28 di juni 2016 a tuma lugar un votacion pa determina cua paisnan ta haña un asiento den e conseho di seguridad di Nacionnan Uni. Durante e reunion aki, Hulanda a logra obtene un asiento den conseho di seguridad di Nacionnan Uni. Esaki ta e di 6 biaha cu Reino Hulandes tin un asiento den conseho di seguridad. Conseho di seguridad
E conseho di seguridad ta consisti di 15 miembro di cual 5 ta permanente y 10 no permanente. E miembronan permanente ta China, Francia, Rusia, Merca y Reino Uni. E paisnan cu ta saliendo for di conseho di seguridad ta Venezuela, Angola, Malaysia, Spaña y New Zealand. E paisnan cu a logra un asiento lo tin esaki for di 1 di januari 2017 te cu 31 di december 2018. Den e caso di Hulanda, lo comparti e asiento cu Italia. Pues Italia lo sinta den conseho di seguridad na 2017 y Hulanda lo asumi e responsabilidad aki na 2018.
Momentonan tenso
Tabata tin 2 asiento disponibel pa paisnan den e categoria 'West Europa y demas paisnan.' E otro paisnan di West Europa competiendo pa un asiento ta Italia y Suecia. Un total di 193 pais por a vota, di cual 2 a abstene. Den e prome tanda, Suecia a ribici un total di 134 voto. Como cu esaki ta mas cu e drempel minimo di 128 (dos tercera parti), Suecia a wordo otorga e asiento. Hulanda na e momento aki a ricibi 125 voto, Italia 113 y Belgica 1. Otro paisnan cu a logra nan asiento den prome tanda ta Etiopia y Bolivia.
Den e segunda tanda di votacion, Kazachstan a logra haña su asiento den conseho di seguridad, pero mirando cu Hulanda a ricibi 99 voto y Italia un total di 92, esaki a pone cu mester a bolbe vota un biaha mas pa purba pa determina cua di dos paisnan aki lo gana e asiento.
Den e tercera ronda, Hulanda a ricibi 96 voto. Esaki ta 2 mas cu e 94 voto ricibi pa Italia. Den e tanda aki tabata tin 3 abstencion y e reunion a wordo posponi cu 2 ora.
Un di 4 votacion tampoco a rindi un resultado determinante pa Hulanda. E resultado tabata 96 pa Hulanda versus 95 pa Italia. Esaki a inicia un di 5 ronda di votacion den cual mas pais di Europa Occidental tin mag di participa, cu excepcion di paisnan cu ya a haya un asiento of cu ta saliendo for di e conseho di seguridad.
E di 5 ronda di votacion den asamblea general tampoco tabata tin un resultado determinante pa Hulanda. E votacion a resulta 95-95 y e reunion a wordo suspendi pa 20 minuut. Ora cu e momento a yega pa sigui cu e reunion, el a bolbe wordo suspendi pa asina duna votadonan mas tempo pa delibera. E biaha aki pa 30 minuut.
Resultado ‘final’
Ora cu e asamblea general a bini hunto un biaha mas, no tabata tin votacion. Sinembargo, minister Hulandes di asuntonan exterior Bert Koenders a hiba palabra y a propone na e asamblea cu Hulanda y Italia lo kier tuma turno den e conseho di seguridad. Italia lo tuma asiento den 2017 y Hulanda den 2018. E representante di Italia a splica cu esaki ta mustra union entre paisnan Europeo.
E campaña Hulandes: ‘One Kingdom, Four Countries, Europe and the Caribbean’
Mane ta conoci, Hulanda ta un di e paisnan cu tabata bogando pa un asiento den conseho di seguridad. E deseo aki a wordo anuncia ya for di 11 aña pasa. E campaña aki a sigui bay te na ultimo momento. Hasta paden di e sala, miembronan di e delegacion Hulandes tabata parti stroopwafels y tulipan di palo.
Tema cardinal den e campaña tabata islanan SIDS (Small Island Developing States). SIDS ta islanan cu ta enfrenta retonan grandi riba topiconan ecologico y maneho di awa. Tambe SIDS ta vulnerabel pa entre otro cambionan den clima y desasternan natural. Rey Willem Alexander tambe a aporta na e campaña aki. Segun Willem Alexander durante su discurso den asamblea general: “No cabe duda cu si nos wordo eligi nos ta laga e stem di SIDS resona den e Conseho di Seguridad. Hunto nos por percura pa oceanonan saludabel y traha pa yega na un desaroyo sostenibel pa nos nacion y nos hendenan.”
Mike Eman
Ultimo añanan, Minister President di Aruba, Mike Eman, a hiba un campaña fuerte pa asina yuda Hulanda logra e asiento aki den e conseho di seguridad. E campaña a hiba Prome Minister Eman na varios skina di mundo. Tabata na juli 2015, cu Eman a hasta hiba palabra den asamblea general di Nacionnan Uni. Pero e plan di Hulanda y e papel cu Minister President Mike Eman a hunga den tur esaki a resulta den basta critica di parti di oposicion.
Lider di Partido Democracia Real, Andin Bikker, ta di opinion cu e biahenan di minister presidente Eman ta interferi cu su deber como prome minister. “Den nos constitucion, nos conoce prome minister y ministernan. Nos no conoce embahador. Awo si ta embahador e kier bira anto e ora e mester solicita pa esei anto bisa pueblo.” Segun Bikker, e ausencia di Mike Eman na Aruba a crea un ambiente negativo de cual entre otro e polemica entre e presidente y vice-presidente di Parlamento a surgi. Segun Bikker: “su ausencia y falta di liderasgo bien por ta e rais di e frustracion y falta di comunicashon cu a hiba na sorto di incidentenan lamentabel.”
Xiomara Maduro (MEP) a splica cu “pa Hulanda e stul den Conseho di Seguridad di Nacionnan Uni ta mas importante cu bon gobernacion na nos Pais.” Maduro ta referi na e maneho financiero di gabinete Mike Eman. Segun e parlamentario: “Minister Eman no ta kibra su cabes ya cu e ta sigur cu tanten cu e ta haci e trabou di salesman pa Reino na Nacionnan Uni, Hulanda no lo tribi di kita e pen for di su man.” Tambe Xiomara Maduro ta cuestiona e moralidad di Prome Minister Eman: “Den un situacion na unda cu medida ta wordo pasa na nos Pais pa por cubri lo necesario na Aruba, e ta inmoral pa gasta fondo publico di nos Pais pa haci propaganda pa Hulanda.”
Booshi Wever (UPP) na augustus 2015 a acusa Eman di ta un “makelaar” pa gobierno Hulandes. Segun Wever: “Mike E. tambe ta hungando su wega cu Hulanda, cooperando y complaciendo cu Hulanda, y di otro banda trata di wanta un metemento Hulandes mas leu cu ta posibel for di portanan di gobernacion.” Segun Booshi Wever, e campañamento di Mike Eman ta un manera pa haña mas rosea politico: “Hulanda a bin ta sostene Mike Eman, dor di bay di acuerdo pa cambia e menasa di un KB, den un protocol cu ta compromete Parlamento pa entrega su autoridad, dor di laga incluso Mike Eman representa Reino y papia na e Conseho di Seguridad di Nacionnan Uni, sostene Mike Eman den su soñonan “green” dor di elogia su bla bla “green”, extende deadlinenan pa dune oportunidad pa cumpli, dune permiso pa sigui fia placa riba mercado internacional, etc.”
E siguiente pasonan
E proceso di votacion pa asiento den Conseho di Seguridad a wordo suspendi te diaranson 29 di juni, pendiente mas detaye riba e proposicion di Hulanda y Italia pa parti e asiento. Ora cu e detayes di e colaboracion aki entre Hulanda y Italia keda kla, e areglo lo mester wordo aproba pa miembronan di asamblea general.
E conseho di seguridad ta consisti di 15 miembro di cual 5 ta permanente y 10 no permanente. E miembronan permanente ta China, Francia, Rusia, Merca y Reino Uni. E paisnan cu ta saliendo for di conseho di seguridad ta Venezuela, Angola, Malaysia, Spaña y New Zealand. E paisnan cu a logra un asiento lo tin esaki for di 1 di januari 2017 te cu 31 di december 2018. Den e caso di Hulanda, lo comparti e asiento cu Italia. Pues Italia lo sinta den conseho di seguridad na 2017 y Hulanda lo asumi e responsabilidad aki na 2018.
Momentonan tenso
Tabata tin 2 asiento disponibel pa paisnan den e categoria 'West Europa y demas paisnan.' E otro paisnan di West Europa competiendo pa un asiento ta Italia y Suecia. Un total di 193 pais por a vota, di cual 2 a abstene. Den e prome tanda, Suecia a ribici un total di 134 voto. Como cu esaki ta mas cu e drempel minimo di 128 (dos tercera parti), Suecia a wordo otorga e asiento. Hulanda na e momento aki a ricibi 125 voto, Italia 113 y Belgica 1. Otro paisnan cu a logra nan asiento den prome tanda ta Etiopia y Bolivia.
Den e segunda tanda di votacion, Kazachstan a logra haña su asiento den conseho di seguridad, pero mirando cu Hulanda a ricibi 99 voto y Italia un total di 92, esaki a pone cu mester a bolbe vota un biaha mas pa purba pa determina cua di dos paisnan aki lo gana e asiento.
Den e tercera ronda, Hulanda a ricibi 96 voto. Esaki ta 2 mas cu e 94 voto ricibi pa Italia. Den e tanda aki tabata tin 3 abstencion y e reunion a wordo posponi cu 2 ora.
Un di 4 votacion tampoco a rindi un resultado determinante pa Hulanda. E resultado tabata 96 pa Hulanda versus 95 pa Italia. Esaki a inicia un di 5 ronda di votacion den cual mas pais di Europa Occidental tin mag di participa, cu excepcion di paisnan cu ya a haya un asiento of cu ta saliendo for di e conseho di seguridad.
E di 5 ronda di votacion den asamblea general tampoco tabata tin un resultado determinante pa Hulanda. E votacion a resulta 95-95 y e reunion a wordo suspendi pa 20 minuut. Ora cu e momento a yega pa sigui cu e reunion, el a bolbe wordo suspendi pa asina duna votadonan mas tempo pa delibera. E biaha aki pa 30 minuut.
Resultado ‘final’
Ora cu e asamblea general a bini hunto un biaha mas, no tabata tin votacion. Sinembargo, minister Hulandes di asuntonan exterior Bert Koenders a hiba palabra y a propone na e asamblea cu Hulanda y Italia lo kier tuma turno den e conseho di seguridad. Italia lo tuma asiento den 2017 y Hulanda den 2018. E representante di Italia a splica cu esaki ta mustra union entre paisnan Europeo.
E campaña Hulandes: ‘One Kingdom, Four Countries, Europe and the Caribbean’
Mane ta conoci, Hulanda ta un di e paisnan cu tabata bogando pa un asiento den conseho di seguridad. E deseo aki a wordo anuncia ya for di 11 aña pasa. E campaña aki a sigui bay te na ultimo momento. Hasta paden di e sala, miembronan di e delegacion Hulandes tabata parti stroopwafels y tulipan di palo.
Slotdemarrage Nederland! Houten tulpen voor een (eventuele) tweede ronde. #UNSCElections pic.twitter.com/H0PT8Fw46D
— Guus Valk (@apjvalk) June 28, 2016
Tema cardinal den e campaña tabata islanan SIDS (Small Island Developing States). SIDS ta islanan cu ta enfrenta retonan grandi riba topiconan ecologico y maneho di awa. Tambe SIDS ta vulnerabel pa entre otro cambionan den clima y desasternan natural. Rey Willem Alexander tambe a aporta na e campaña aki. Segun Willem Alexander durante su discurso den asamblea general: “No cabe duda cu si nos wordo eligi nos ta laga e stem di SIDS resona den e Conseho di Seguridad. Hunto nos por percura pa oceanonan saludabel y traha pa yega na un desaroyo sostenibel pa nos nacion y nos hendenan.”
Mike Eman
Ultimo añanan, Minister President di Aruba, Mike Eman, a hiba un campaña fuerte pa asina yuda Hulanda logra e asiento aki den e conseho di seguridad. E campaña a hiba Prome Minister Eman na varios skina di mundo. Tabata na juli 2015, cu Eman a hasta hiba palabra den asamblea general di Nacionnan Uni. Pero e plan di Hulanda y e papel cu Minister President Mike Eman a hunga den tur esaki a resulta den basta critica di parti di oposicion.
Lider di Partido Democracia Real, Andin Bikker, ta di opinion cu e biahenan di minister presidente Eman ta interferi cu su deber como prome minister. “Den nos constitucion, nos conoce prome minister y ministernan. Nos no conoce embahador. Awo si ta embahador e kier bira anto e ora e mester solicita pa esei anto bisa pueblo.” Segun Bikker, e ausencia di Mike Eman na Aruba a crea un ambiente negativo de cual entre otro e polemica entre e presidente y vice-presidente di Parlamento a surgi. Segun Bikker: “su ausencia y falta di liderasgo bien por ta e rais di e frustracion y falta di comunicashon cu a hiba na sorto di incidentenan lamentabel.”
Xiomara Maduro (MEP) a splica cu “pa Hulanda e stul den Conseho di Seguridad di Nacionnan Uni ta mas importante cu bon gobernacion na nos Pais.” Maduro ta referi na e maneho financiero di gabinete Mike Eman. Segun e parlamentario: “Minister Eman no ta kibra su cabes ya cu e ta sigur cu tanten cu e ta haci e trabou di salesman pa Reino na Nacionnan Uni, Hulanda no lo tribi di kita e pen for di su man.” Tambe Xiomara Maduro ta cuestiona e moralidad di Prome Minister Eman: “Den un situacion na unda cu medida ta wordo pasa na nos Pais pa por cubri lo necesario na Aruba, e ta inmoral pa gasta fondo publico di nos Pais pa haci propaganda pa Hulanda.”
Booshi Wever (UPP) na augustus 2015 a acusa Eman di ta un “makelaar” pa gobierno Hulandes. Segun Wever: “Mike E. tambe ta hungando su wega cu Hulanda, cooperando y complaciendo cu Hulanda, y di otro banda trata di wanta un metemento Hulandes mas leu cu ta posibel for di portanan di gobernacion.” Segun Booshi Wever, e campañamento di Mike Eman ta un manera pa haña mas rosea politico: “Hulanda a bin ta sostene Mike Eman, dor di bay di acuerdo pa cambia e menasa di un KB, den un protocol cu ta compromete Parlamento pa entrega su autoridad, dor di laga incluso Mike Eman representa Reino y papia na e Conseho di Seguridad di Nacionnan Uni, sostene Mike Eman den su soñonan “green” dor di elogia su bla bla “green”, extende deadlinenan pa dune oportunidad pa cumpli, dune permiso pa sigui fia placa riba mercado internacional, etc.”
E siguiente pasonan
E proceso di votacion pa asiento den Conseho di Seguridad a wordo suspendi te diaranson 29 di juni, pendiente mas detaye riba e proposicion di Hulanda y Italia pa parti e asiento. Ora cu e detayes di e colaboracion aki entre Hulanda y Italia keda kla, e areglo lo mester wordo aproba pa miembronan di asamblea general.
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...