Pueblo di Aruba merece respet y haña sa e berdad cu tin rond di desmantelacion y awor e posibel reapertura di nos refineria.

Mike & Mike 
Ni Prome Minister Eman y ni Minister de Meza, nunca tabata tin e interes di habri e refineria. Tur esakinan tabata weganan politico pa hunga cu sentimentonan di nos pueblo y mas ainda cu e ciudadanonan cu a perde trabao y mester a bay traha den exterior lagando nan hendenan, casa, yiunan y henter famia atras. Tur esaki tabata pa propio interes y pa sponsornan politico durante campaña di AVP. Si enberdad tabata deseo di AVP pa habri Valero lo no a firma na 2010 caba pa desmantela e refineria y mas ainda a reparti terenonan na mes momento na compinchinan y tur esaki tabata sin importa e pueblo, pero mas bien pa duna bek na comerciante (nan) cu a hinca placa miyonario den campaña di AVP. Ariba dje Minister Eman a regala Valero 76 miyon florin di placa di pueblo.

Mike & Otmar 
Minister de Meza y Minister Oduber tambe tin di haber cu e desmantelacion aki cu e gran idea di bin cu hotel Bahia cu sigur awe nos pueblo lo no por a mira Baby Beach y ni Roger Beach mas. Tambe nos hendenan cu a bay traha den exterior hamas lo tabata tin e speransa di bin traha bek na Aruba manera cu ta e caso awor. Ainda nos por corda con Ministernan Oduber y de Meza a sali den medionan di comunicacion na Republica Dominicana ta come, bebe y core paranda ariba custia di Bahia y a priminti e doñonan di Hotel Bahia cu nan lo percura pa desmantela Valero y p’asina Bahia por bin establece . Mientras tanto de Meza tabata trece un monton di mentiranan padilanti cu e ta ocupa ta negociando cu diferente compania rond mundo pa reapertura di nos refineria. Cu esaki ta bisto cu de Meza a traiciona San Nicolas y pueblo di Aruba den su totalidad. Tur esaki tabata mentira y un cuchiu den lomba di pueblo. Ainda nos por corda con Minister de Meza a bin Aruba, te hasta tabata tin radio emisora cu a busca champaña pa celebra cu Petro China ta dispuesto pa habri Valero, tur esaki tabata mentira pasobra e informacion aki no tabata aparece ariba e website di Petro China. Mike de Meza debe e pueblo di San Nicolas y pueblo di Aruba y tur e homber y muhernan balente cu mester a bandona nan isla pa bay traha den exterior un disculpa publico

Glenbert Croes y partido MEP 
Awe ta danki na yiu di nos Libertador y partido MEP nos ta na vispera di reapertura di nos refineria. Danki na Glenbert Croes cu a busca tur informacion, a biaha y bishita e representantenan di CITGO cu representantenan di PDVSA y a bin compronde cu semper nan tabata dispuesto pa habri e refineria. Pero claramente e Gobierno di Minister Eman no tabata kier a tende di reapertura pasobra tabata tin otro plan pa nan beneficio, beneficionan pa comerciantenan cu a sponsor campaña di AVP y sin importa e dolor di e pueblo cu nan tabata causa. Pueblo di Aruba merece di sa e berdad cu pa 6 aña largo e Gobierno di AVP tabata gaña pueblo cu mentiranan y a traiciona e pueblo di Aruba. AVP a cera Valero y nunca tabata tin den mente pa habri’e bek y awe ta danki na sr. Glenbert Croes y partido MEP un biaha mas ta demostra cu partido MEP si tin e pueblo di Aruba na pecho. Biba Aruba, biba MEP y danki sr. Glenbert Croes.

Expresionnan haci den e articulo aki no necesariamente ta refleha opinion di ArenaPoliti.co