Perspectiva Independiente without background 001

Glenbert Croes (MEP): Satisfecho cu e anuncio di Gas ta loke nos a informa pueblo cu Refineria lo opera cu Gas

Glenbert16
Nos a tuma nota di e noticia cu CITGO a bai di acuerdo pa opera e refineria cu gas. Nos ta contento cu nos a informa pueblo di Aruba adelanta na juni 2015 despues cu ma reuni cu funcionarionan di PDVSA cu e interes di PDVSA den e refineria na Aruba ta uno grandi y cu lo suministra gas atraves di un pipeline for di Venezuella y Aruba. Cu esaki lo duna e refineria na Aruba e oportunidad di funciona cu energia limpi y tambe baha gastonan di operacion.

Teniendo gas na Aruba e lo ta posibel pa suministra WEB gas y consecuentemente por elimina brandstofclausule y bari for di mesa pa continua cu hedging. Porfin asina nos por finalmente baha e recibo di awa y coriente. E posibilidad tambe tey pa autonan por core riba gas teniendo cuenta cu gasoline ta caro.

Pesei nos ta ricibi e noticia cu gran satisfaccion y ta orguyoso di cu e  trabounan eherci ta loke nos a informa pueblo di antemano. Opera e refineria cu gas ta algo cu nos a bin ta anuncia for di juni 2015. Nos ta contento cu tur loke nos a bin ta anticipando na pueblo tocante e refineria ta pasando. CU E REAPERTURA DI E REFINERIA NOS LO PONE ARUBA BEK RIBA PIA.

Expresionnan haci den e articulo aki no necesariamente ta refleha opinion di ArenaPoliti.co

x

 

Inscribi pa ricibi un resumen semanal di e articulonan mas impactante.