Manera ta conoci caba fraccion di MEP a entrega dia 12 januari 2015 un peticion official pa un reunion publico pa trata e desaroyo di prijs di crudo y su efectonan riba prijs di tanto awa y coriente. Na e momentonan aki e prijs di crudo ta bou di 46$ y esaki lo mester a nifica un reduccion substancial den e recibonan di utilidad algo cu no ta pasando.

Den cuadro di esaki fraccion di MEP a pidi e minister encarga cu utilidad pa promer cu e reunion public tuma lugar pa suministra nos como representantenan di pueblo cu e “hedging agreement” di WEB y “handling fee agreement” cu WEB tin cu Valero. Nos ta spera minister cumpli cu transparencia pasobra e digno pueblo merece pa haya sa e berdad!

Expresionnan haci den e articulo aki no necesariamente ta refleha opinion di ArenaPoliti.co