Perspectiva Independiente without background 001

MEP: Unda Mike Eman ta? No tin liderasgo den nos pais

MEP01Mike Eman desde dia 25 di juni ultimo a drenta un escondite. Esey tabata e dia cu Gobernador a nenga pa firma e presupuesto 2014, desde e dia aki Mike Eman su mundo a sak den otro, y ya no ta e mesun Mike Eman mas cu Aruba a conose. Mike Eman awor ta un homber kibra, fragil y cu hopi problema.
 
Ya despues di eleccion por a nota su descontento. Con cu bai bin Mike Eman ta e politico cu a traha mas duro den henter e partido pero apenas el'a bai dilanti cu algun voto. Su sonjo pa un dia yega e nivel di Betico a kibra totalmente, pasobra esaki ta un senjal cu hendenan no kier e mas. Cu hendenan kier un otro lider den AVP considerando cuanto Benny Sievinger y Otmar Oduber a crese den voto.
Despues di esey e problemanan a bira mas y mas grandi y e mester a sucumbi pa e presion di dos mucha homber cu kier a sinta riba stoel di minister, y contra tur conseho a amplia e cantidad di minister.
E cantidad di coordinadornan cu Mike Eman mester a priminti trabou pa gana nan voto a crese explosivamente, na mas di 500 coordinador, causando un peso demasiado grando riba e aparato gubernamental.
Pero na momento cu Hulanda a ranca su chupon for di dje, eynan ela flip. Eynan henter Aruba por a presencia un comportacion cu ni di un mucha chikito bo por acepta. E welga di hamber cu apone cara di henter Aruba na berguensa y cu a causa hopi danjo na e relacion entre Aruba y Hulanda. Un capitulo cu hopi kier lubida, pero no por. Pasobra e ta e prome senjalnan di un lider cu no por ta bon na tino mas.
E forma desespera con Mike Eman a insulta y ofende Gobernador di Aruba, tabata tipifica un persona cu ta perdiendo cabes. Sinembargo nada a hasi mas dolor ora cu masha poco sostenedor a acudi na su welga di hamber pa dun'e sosten. Nan mester a duna opdracht na coordinadornan y esnan cu tin contract pa traha canto di caminda pa bai sinta algun ora eynan pa parse cu tin hopi hende. Asina mes e asistencia y interes pa Mike su welga di hamber tabata masha pober mes, y esey si a hasi dolor.
 
Pesey no ta nada stranjo cu despues di esey el'a cuminsa bula pipa pa tur locual ta importante pa nos pais. Mike a bai core go-kart, el'a bai Samoa y e ta verf cas. Esey ta parse terapia pa un problema mental sumamente serio. Y ta pesey a gara e pagina den e rapport devastador di Raad van Advies, pa dune poco rosea atrobe. Pero ni esey a yud'e pasobra mas hende a bai lesa e rapport di Raad van Advies y a haya berguensa con malo Mike Eman ta goberna nos pais.
 
Unda e prome minister di e pais aki ta? Unda e ta pa atende e crisis financiero den e pais aki? Unda e ta pa pone ordo riba ministernan cu ta neglisha nos hobennan, nos ensenjansa, nos seguridad, nos salubridad y cuido di nos grandinan? Unda e ta awor cu kier desmantela e refineria, un "life line" di hopi hende na Aruba? 
 
SPOORLOOS!

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.