Perspectiva Independiente without background 001

Evelyn Wever-Croes: E ley di supervicion financiero ta un berguensa pa Aruba [+audio]

Evelyn30
ORANJESTAD – Parlamento dialuna 17 augustus a haya e ley di CFT, supervision financiero pa Aruba, cu supuestamente mester drenta na vigor cu forsa retroactivo desde 1 augustus 2015. Lider di fraccion di MEP a duna su prome reaccion.
“E ley aki ta un berguensa pa Aruba den Reino Hulandes. E ley aki ta un refleho di inmadures y falta di responsabilidad di parti di Mike Eman y su ministernan, pa duna contenido na nos Status Aparte. E ley aki ta mustra claramente cu Mike Eman y su ministernan a faya den maneha nos asuntonan interno, y cu esaki henter nos pueblo ta carga e berguensa, y su consequencianan.

E ley ta cuminsa cu stipula cu temporalmente ta duna Hulanda autoridad pa mete den nos asuntonan interno. Ainda nos ta corda con Mike Eman a bai den welga di hamber, pasobra finanzas di nos pais ta asuntonan interno. Anto awor e ta traha un ley pa duna Hulanda autoridad pa mete den asuntonan interno. Anja pasa ainda Mike Eman a yama e hulandesnan pa “verkrachters”, abusador sexual, anto awe e mes ta invita nan drenta paden! Ta pa prome biaha desde cu nos pais a haya su Status Aparte cu algo asina ta socede, y esaki ta un berguensa.
E ley mes tin cantidad di condicion cu ta wordo poni riba gobierno, y cantidad di menasa pa un “AANWIJZING” si gobierno no hasi exactamente locual Hulanda bis’e hasi. Ta causa dolor pasobra te cu 2009 Aruba a wordo maneha financieramente drechi. Gobierno di MEP a laga Aruba su finanzas na orden. A laga e debe nacional na 49%, cu ta dentro di e margen internacionalmente aceptable di 45 pa 55%. Y e deficit na 2009 tabata 3.6%, tambe dentro di margen internacionalmente aceptable pa un pais manera Aruba di rond di 3%.
Pero e gobierno di Mike Eman desde prome dia a habri kranchi y cuminsa malgasta placa den biahamento, fiestamento, coordinadornan na cantidad. Na un forma masha iresponsabel a caba cu tur e placa di nos pais.
Nos por culpa Mike Eman y henter su partido AVP, pero e realidad ta cu ta henter e pueblo mester pasa den e berguensa aki. Awor mas cu nunca nos di partido MEP ta comprometi pa lucha pa gana nos autonomia bek. Awor mas cu nunca nos mester uni y bisa Gabinete Mike Eman cu e mester baha, pa Aruba salba su autonomia, pasobra cu Mike Eman na cabes, hamas Aruba lo para riba su propio pianan mas” líder di MEP Evelyn Wever-Croes a duna di conoce.

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.