Anualmente Servicio di Impuesto ta distribui e formularionan di inkomstenbelasting pa tur cuidadano pagador di belasting por yena esaki y entregue. Dependiendo di e fecha di entrega oficial e cuidadano tin 2 luna pa entrega esaki . Si encaso no logra pa colecta tur documento necesario of pa cualkier otro motibo no a logra pa yene y cumpli cu e entrega den e termino stipula e pagador di belasting tin e oportunidad aind pa pidi un "1e uitstel". E ultimo opcion aki mester wordo pidi tambe dentro di 2 luna. 

Recomendabel ta pa e cuidadano cumpli na tempo pa asina evita cualkier tipo di sancion (boet) innecesario ora ta trata di belasting. En conexion cu esaki manera custumber di tur aña partido Movimiento Electoral di Pueblo lo ta brindando asistencia na cada cuidadano cu mester yena su aangifte inkomstenbelasting 2013. Diasabra 11 oktober e tax team di partido MEP na nos Cede na Sta cruz nos lo inicia y continua durante henter siman cu e asistencia  pa e yenamento di aangifte inkomstenbelasting 2013 na pueblo di Aruba completo. Pa asistibo mihor e siguiente documentonan basico ta necesario entre otro loonopgaaf 2013, "interestbrieven" di banco of otro instituto financiero, comprobante di seguro di bida pero tambe en declaracion di gastonan paga en conexion cu gastonan di estudio superior.

Pa termina mi kier a enfatisa cu cumplimento cu belasting ta hopi importante y den cuadro di esaki nos kier yuda pa asina tur cuidadano por logra entreganan formulario na tempo.

Expresionnan haci den e articulo aki no necesariamente ta refleha opinion di ArenaPoliti.co