Perspectiva Independiente without background 001

MEP: Paul Gibbs ta mustra riba e abusonan cometi den henter e proyecto di meternan di parkeer (parti 1)

PaulGibbs02
Aruparking ta abusa di pueblo: Aruparking su gastonan astronomico ta mas cu 2 miyon florin pa aña sin conta e placa cu ta bay pa paga Arubus di 1.5 miyon florin y su prestamo di mas cu 3 miyon florin.

Casi 1 miyon florin di entrada ta bin di trahadornan cu tin salario minimo: Segun cifranan cu KPMG a mustra di Aruparking, bo ta mira cu e parkeerplaats cu mester paga 2 florin pa ora ta forma 74% di nan entrada banda di esnan cu ta wordo verhuur pa luna cu ta 15% di nan entrada y e boetnan, pues ora nan klem of takel un auto esaki ta forma 11% di nan entrada proyecta di 5.5 miyon. Si bo haci un calculacion, tin 800 parkeerplaats cu mester paga 2 florin pa ora y tene cuenta cu ta 74% di e entrada e ta, bo ta mira cu tur 800 parkeerplaats mester ta 3 ora y 20 minuut ocupa ariba full un dia pa e por cubri e gastonan. Kiermen mester tin sikiera un momento den dia cu bo ta wak tur e parkeerplaatsnan ocupa ora bo pasa, pero esaki no ta e caso. E abuso grandi ta e 15% di nan entrada cu ta bin di esnan cu ta traha den centro di ciudad. KPMG ta mustra cu Aruparking ta gana casi 1 miyon florin pa aña hustamente di e trahadornan aki di cual mayoria ta cobra un sueldo minimo y nos por constata atrobe cu esnan mas vulnerable den comunidad mester paga pa salarionan desproporcional di un grupito chikito di campañadornan. Realidad ta cu Arubus lo no haña ni 1 florin di Aruparking. Si bo bay wak pa bo mes den centro di ciudad, bo ta mira cu tur e parkeerplaatsnan hunto no ta wordo ocupa ni mey ora pa dia, ya cu mayoria ta permanece bashi durante henter dia.
Wilhelminastraat
Salarionan desproporcional: E uniconan cu si ta cobra ta e campañadornan cu a haya un trabao y e primo cu ta huur su edificio. E placa pa paga nan ta bin net di esnan cu ta traha den centro di ciudad cu ta cobra minimumloon y cu tin cu huur lugar di parkeer. E tristo ta si bo compara salario di un polis cu a studia na Scol di Polis nivel 4, e ta gana apenas 2200 florin pa luna den su promer 2 añanan y un polis cu a caba un HBO opleiding ta inicia cu 3400 florin pa luna y un parkeerwachter ta cuminsa despues di algun les y cu no ta yega ni e nivel di MBO cu 2975 florin, pero mas pio ta si bo compara un polis cu a traha pa 20 aña apenas lo cobra rond di 5500 florin y e manager di Aruparking ta cuminsa cu un salario barbaro di 8100 florin pa luna. E salarionan na Aruparking ta desproporcionalmente  halto. Asina a yena e aparato gubernamental tambe y wak e Mega debe como resultado di esaki.
Personnel expenses AruParking

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.