Aruba ta riba bao cu e informacion cu aparentemente Ministro di Finanzas mr angel Bermudez lo no mag di hiba palabra mas riba un posibel introduccion di un A.B.B.di siete (7) porciento den lugar di e BBO. Ministro Bermudez lo a informa Staten cu lo ta intencion di su gobierno pa otro anja (2016) introduci esaki . Causando hopi discussion den seno di pais Aruba.

E caso a causa mas discussion ainda ora a sali na cla cu supuestamente Ministro Presidente of Conseho di Ministro lo a prohibi ministro di Finanzas mr. Angel Bermudez di hiba palabra riba e materia aki.

E CAMBIO ESSENCIAL CU STATUS APARTE A TRECE….!!

Cu e introduccion di nos Status Aparte na 1986 Aruba a cambia for di nos Eilandenregeling cu su Bestuurscollege cu ‘responsabilidad colectivo’ pa un Conseho di Ministro pero consistiendo di Ministronan cu ‘responsabilidad individual’ cual ta nifica cu e Ministro encarga cu un cierto responsabilidad ta e instancia di mas halto di nos pais riba e tereno y e competencianan cu ta cai bao di djele.

Cu otro palabra segun PPA :

E instancia mas halto riba tereno di finanzas na tur momento den pais Aruba NO ta Ministro Presidente Mike Eman pero Ministro di Finanzas mr. Angel Bermudez !! Como tal ningun Ministro Presidente ni Conseho dI Ministro no por hasi ningun Minister ‘MONDDOOD’ riba e tereno cu ta cai bao di nan responsabilidad/competencia.,.

Ministro Presidente su forza ta e forza politico….pasobra den majoria caso e lo tin e sosten di TUR/MAJORIA di miembro di parlamento.,.,,.pero esey NO lo kita afor cu e Ministro di Finanzas ta keda e instancia mas halto riba e tereno y e competencianan cu ta cai bao di djele.

Cu por jega na un acuerdo pa un periodo cu no ta bai publico cu algo ta posibel pero E ministro di Finanzas ta liber constitucionalmente y politicamente pa por hiba palabra riba locual ta su responsabilidad como tal.

PPA ta consciente cu hopi desaroyo a tuma lugar den pasado pa limita e competencia di varios ministro ‘..pero semper’ a depende di e ministro mes si E ta accepta esaki…!

PPA kier referi na cierto caso dilanti Corte di un cierto x ministro cu a defende su mes cu Conseho di Ministro ta ‘colegialmente’ responsabel pa su decision ..y HUES corectamente a mustra riba e hecho cu Conseho di Ministro NO ta e instancia responabel pa LEY….Kada Ministro ta INDIVIDUALMENTE responsabel pa LEY. Como tal PPA kier accentua cu legalmente y constitucionalmente un Ministro Presidente NO por hasi snoer un ministro su boca si esaki mes no ta desea !!

Cu otro palabra Ministro Bermudez mester lanta para manera homber/ministro y defende su maneho of Aruba henter mester realisa cu como cobarde…pa otro interes E ta desea di keda riba e stoel y pesey e ta ‘boca sera’ !! Informacion duna na Staten di Aruba ta algo hopi serio !!

Pa regla E mester clarifica y defende su maneho y por completele informacion con e posicion di Conseho di Ministro tabata pero sempero mester tene na cuenta cu NO ta Conseho di Ministro ta responabel pero E como Ministro di Finanzas ta individualmente responsabel y E no mester lubida cu e a worde jama como ‘vakminister’ basa riba su profesionalismo pa salba Aruba for di e situacion financiero…. Un professional cu ta respeta su mes …no por permiti di worde trata manera un mucha….y sigur no pa esnan cu a causa e crisis financiero…… PALABRA TA NA SU PERSONA !!

Aruba 19 di November 2015                                     Lider Politico di PPA

Expresionnan haci den e articulo aki no necesariamente ta refleha opinion di ArenaPoliti.co