Perspectiva Independiente without background 001

MEP: Mike Eman como lider ta pone Aruba su cara na berguensa

FraccionMep01Despues di hopi dia di ausencia Prome Minister Mike Eman a mustra su cara den Parlamento pa e reunion publico pa trata e presupuesto di Raad van Advies y aki Mike a bolbe mustra cu como lider e ta pone Aruba su cara na berguensa. E sistema cu Mike a hiba palabra den Parlamento y e manera baho cu e tabata dirigi su mes na lider di MEP kende ta un dama a demostra cu Mike como lider falta decencia y etica cu bo ta spera cu un Prome Minister mester tin. 
Ta fresco den memoria di tur hende con Mike a bay den welga di hamber y pone cara di Aruba na berguensa internacionalmente. Un lider drechi nunca lo a haci e ridiculez aki. Hamas un lider lo a expone su Pueblo na e berguensa aki. Pero Mike a mustra di no ta worry cu nada y hasta a hiba un campaña pa lastra e bon nomber di Gobernador y su famia. Otro acto bergonsoso pa Aruba, como cu Gobernador ta representante di Rey na Aruba y e gritonan di traidor di Mike den direccion di nos Gobernador a pone mas berguensa na cara di Aruba. Un lider di berdad nunca lo a expresa su mes di e manera baho ey den direccion di nos Gobernador y nos Rey.
Pero Mike a mustra tambe cu e no tin ningun respet pa hende muher. Sigur na e manera cu Mike a dirigi su mes na nos lider Evelyn ta mustra cu Mike tin un odio grandi pa su contrincante y no tin ni e decencia di mustra respet debido ora di trata cu un dama. Mike lo a pensa cu mescos cu e por grita na bestuurskantoor y den baño na cas e lo por grita y falta respet na su contrincante politico? Un lider di berdad semper lo tene respet debido pa su contrincante y nunca lo a falta respet y perde etica ora di trata cu un dama den politica. Mike awor ta mustra ken e ta di berdad. E therapia di core gokart enves di a pone focus a logra mustra su caracter berdadero, un lider yena cu odio, di poco moral y etica, y sin ningun clase di respet pa ser femenino den politica. Un lider asina ta pone Aruba su cara na berguensa.

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.