Perspectiva Independiente without background 001

Xiomara Ruiz-Maduro: Raad van Advies cu 24 punto di preocupacion contra creacion di ANSA

Xiomara06Diamars ultimo Fraccion di AVP den Parlamento di Aruba a bay di acuerdo pa privatisa e departamento di seguridad di aviacion y di e forma aki crea un NV nobo pa Gobierno bou e nomber di Air Navigation Services Aruba (ANSA.) Remarcabel ta cu Raad van Advies tabata tin 24 punto di preocupacion contra e creacion di ANSA y hasta a recomenda Gobierno pa no e entrega e ley aki na Parlamento ya cu e ley no ta cumpli cu e meta proponi. Pero asina mes e mayoria den Parlamento a sera wowo y bulldoze e ley pa crea e NV nobo aki pa gobierno.

Entre e puntonan Raad van Advies a trece dilanti cu bo no mester privatisa un departamento di gobierno pa asina e trabou por wordo haci mas eficiente y efectivo. Tampoco mester bira un NV pa asina por regla un divicion entre supervicion y e parti operational. Pa presta pa placa pa por inverti den compra di aparato nobo tampoco ta necesario pa bira un NV. Alcontrario asina aki Gabinete Eman ta laga mustra cu su gobierno no por maneha fondo publico y mester core lanta un NV pa por bay banco busca placa. Y pa cobra placa pa servicio por introduci un cobransa di retribucion, pues no mester un NV pa por cobra un fee na e aerolineanan pa e trabou di seguridad cu e departamento ta haci. Raad a indica cu gobierno por a explora otro alternativanan por por cumpli cu su meta, pero Gabinete Eman no a worry y a keda insisti riba e creacion di un NV.

Banda di esaki Raad a indica cu e NV aki lo tin mas gasto di personal y cu no tin un plan social pa e trahadornan aproba pa e sindicato. E gastonan pa e aerolineanan lo subi tres biaha y Raad ta teme cu e cobransa aki banda di tur e otro medidanan riba turismo introduci pa Gabinete Eman, lo por afecta e fluho di turista pa nos Pais.

Finalmente Raad a cuestiona e hecho cu Gobierno no kier hinca e control di Algemene Rekenkamer y Centrale Accountantsdienst den e ley. Tur esaki a pone cu Raad a yega na e conclucion cu e ley pa crea ANSA no ta cumpli cu e meta pa cual Gabinete Eman kier introducie. Pesey a conseha gobierno pa no manda e ley aki pa Parlamento. Pero asina mes Gabinete Eman a mande Parlamento y e fraccion di AVP a bay de acuerdo pa bulldoze e ley aki tambe.

27 november 2014

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.