Perspectiva Independiente without background 001

Gerick Croes (MEP): Semper AVP a hiba un maneho laboral anti-hoben y Minister Croes ta co-responsabel! Part I

Gerick16
Ta ironico pa mira cierto expresionan wordo tira den laira door di Minister di Labor sr. Croes siendo cu e mes tempo cu e tawata parlamentario a sostene, tolera y awor como Minister ta continua na hiba un maneho laboral anti-hoben den tur aspecto. Den un serie di comunicado nos lo bai señala diferente ehempel asina poniendo enfasis riba e maneho negligente di e Minister aki cual den forma directo y indirecto tin consecuencianan pa nos hobennan. 

Otorgamento di permiso pa trabou
Den e rapport di SER publica na November 2014 nos por a constata entre añanan 2011-2013 cu e maneho cu a wordo hiba ta zowel uno anti-local y anti-hoben. Por ehempel na 2013 un total di 3504 peticion a drenta pa importa trahador  y di esaki 3110 dus 88.8% a wordo otorga for di promer instante! Como Minister bo por hustifica cuanto cubo kier awor pero splica pueblo si tanto bo ta pretende di kier baha desempleo local y bou nos hobennan pakiko bo a apoya esaki durante tur e añanan aki? E respuesta ta facil simplemente bo kier a purba crea un bon impreshon durante campañanan electoral pero ora cubo tawata parlamentario/minister bo a lubida di traha pa pueblo y e hoben. Si bo semper tawata na altura cu desempleo bou nos hobennan tawata halto (awendia 22,8%) dicon bo no a para pa principio y halsa bo voz ora tanto trahador tawata wordo importa kitando inhustamente e oportunidad di nos hobenan cu ta caba scolnan secundario, tin un educacion educacion profesional basico of eduacion intermedio? No solamente  bo a laga di desea sino cubo a demostra di ta “puro scuma tiki chucalati”! Imagen
Door di flexibilisa e kier limita
Un Minister cu di berdad tin nos hobennan central lo pensa na crea oportunidadnan enbes di limita y crea instabilidad pa nos hobennan. Su intencion di elimina articulo 1613x cu ainda no ta completamente bari for di mesa lo por ta devastador pa nos hobennan strobando di crea un bida stabil y asina desaroya nan carera pasobra ta duna e dunador di trabou tur e spacio pa usa e hoben como un yoyo. Aunke e la admiti cu e no tin un “politiek draagvlak” pa hasi esaki e motibo real pa pone e asunto "on hold" ta pasobra e sa cu mayoria hoben lo kita sosten di dje pa e simpel motibo cu e ta destrui nan futuro! E ora mi ta puntra mi mes ainda cu ki confiansa bo ta durf di cuestiona otro tocante confiansa si bo mes ta e promer den promociona instabilidad y ranca oportunidadnan pa nos hobennan por establece nan mes? 

Esakinan ta simplemente algun ehempel cu pa awor nos ta trece dilanti.  Den parti II di e articulo aki nos lo continua cu mas ehempel concreto di con e maneho laboral di AVP sostene pa sr. Croes ta uno anti-hoben.

Expresionnan haci den e articulo aki no necesariamente ta refleha opinion di ArenaPoliti.co

7 motibo pa laga Pueblo eligi su Gabinete

Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...

Sigui lesa...

Inscribi pa ricibi un resumen semanal di e articulonan mas impactante.

 

Contacto

ArenaPoliti.co ta un website di BPS Media

 

Pa tuma contacto of pa manda comunicado:

[email protected]

 

Advertising:

[email protected]

x

 

Inscribi pa ricibi un resumen semanal di e articulonan mas impactante.