Mundo sa dal bueltanan stranjo, pero e tristo ta na momento cu bo mira politico di AVP ataca nan propio hendenan.
Esaki a sucede siman pasa na momento cu Marlon Sneek a cuestiona e deal cu gobierno di MEP a sera cu sr. Oscar Wyatt di Coastal na anja 1990.
Segun e politiconan di AVP e contract ey tabata esun peor cu tabata tin, cu sr. Wyatt den nomber di Coastal a deal cosnan extravagante cu a priviligia e compania. Cu ki intencion e politiconan di AVP ta cuestiona esaki awor, no ta conosi.
Nos di MEP ta condena e actitud aki. Hendenan di AVP a yama Oscar Wyatt como corupto siendo cu ta danki na Oscar Wyatt Aruba su refineria a wordo rescata na 1990, y nos por a gosa di asina un cresemento economico. Hendenan di AVP a yama Bill Marriott pa corupto siendo cu ta danki na Bill Marriot Aruba su tursimo a desaroya di e forma aki. Hendenan di AVP a yama Eduardo de Veer corupto, y asina nos por sigi menciona con AVP ta insulta comerciantenan por nada.Pero cu nan ta cuestiona suegro di nan propio colega, definitivamente ta algo di condena!

Ohala cu den futuro di nos pais nos por bolbe topa cu hendenan manera sr. Oscar Wyatt y sr. Nelson Oduber, cu SI a hasi tur esfuerso humanamente posibel pa habri e refineria bek. Ta MEP mes mester bolbe den gobierno, pa logra e re-apertura di e refineria.

Expresionnan haci den e articulo aki no necesariamente ta refleha opinion di ArenaPoliti.co