Perspectiva Independiente without background 001

Glenbert Croes (MEP): Cu e acuerdo di 2 di mei a dera e Status Aparte y libertad di nos pueblo

Glenbert07
Gobierno di Aruba y Hulanda a firma un acuerdo dia 2 mei 2015 pa bin un supervision financiero CFT di Hulanda riba Aruba. Mi no ta considera esaki CFT di Aruba sino e ta uno di hulanda cu ta wordo coordina via CFT Corsow & Sint marten. Despues cu nos a recorda fechanan memorable den reino mi ta considera 2 di mei 2015 e begrafenisdag di nos status aparte. Franklin Roosevelt a expresa cu ora pearl harbor wordo ataca cu “e ta un dia cu lo biba den emfania”. Den cuadro di esaki nos ta considera e acuerdo aki uno cu ta viola derechonan politico di Aruba cu ta ankra den tratadonan, violacion di nos constitucion poniendo gobierno, parlamento , democracia y henter e pueblo bou curatela. E menasa cu tawatin prome cu e acuerdo aki tawata uno di giyotina na e nek di e pueblo aki. Pasobra a consecuencia di tur e medidanan cu lo bai bini door di e acuerda firma aki ta cu pueblo di Aruba mester bai paga pa tur esakinan. Pesei ora nos tratando e presupuesto di 2015 nos ta akiden cu sentiment mixto pasobra loke nos ta tratando ta un farsa. Na final di dia despues cu e presupuesto wordo trata lo bai bini notanan di cambio unda cu e medidanan adicional lo wordo implementa. E pregunta ta e ora ey: “A proteha e pagador di belasting di Hulanda y a opta pa castiga esnan di Aruba?” No por ta asina cu un partido cu a saca 13 asiento (33 mil voto) ta wordo poni bou curatela y no ta bringando pa e derecho di un pueblo. Loke e gobierno a duna e pueblo aki ta debe, medida, desaster y mas desaster . Nos ta spera cu den partido AVP tin hendenan cu ta respeta y defende e pueblo aki cual nos di MEP si ta hasi rechazando como derecho sagrado di nos pueblo e ley financiero.

Expresionnan haci den e articulo aki no necesariamente ta refleha opinion di ArenaPoliti.co

x

 

Inscribi pa ricibi un resumen semanal di e articulonan mas impactante.