Hunto nos mester combati violencia domestico

ORANJESTAD -- Den Parlamento Hulandes parlamentarionan Xiomara Ruiz-Maduro y Ady Thijsen a participa na un debate tocante e Tratado pa combati violencia domestico. E tratado aki ta trese cune cu Aruba tambe mester introduci varios ley pa combati violencia.

Fraccion di MEP, representa pa Evelyn Wever-Croes, Xiomara Ruiz-Maduro y Guilfred Bessaril a reuni cu CEDEHM e siman aki.

"Ta importante pa nos pone mas atencion na e tratado aki, pasobra violencia domestico ta afecta hende muhernan cu ta wordo abusa, hende hombernan cu ta wordo abusa, pero mas aun, e muchanan cu ta wordo abusa y afecta den e proceso. pesey nos compromiso firme ta pa hasi tur lo posibel pa e Tratado aki por wordo introduci den tur su faceta.

Den e cuadro aki nos a reuni cu CEDEHM, pa wordo informa riba e ultimo desaroyonan. Tambe pa nos wordo informa pa CEDEHM riba ki tereno nan ta sinti cu nan tin mester di mas sosten di Parlamento.

Nos tabata tin un reunion hopi fructifero den cual nos a haya hopi informacion. Mi ta gradisi sra. Sandra Brown y henter su equipo pa tuma e tempo y reuni cu nos, y comparti cu nos tur e informacion cu nosd tin mester pa por desplega nos trabou den Parlamento mas mjihor", lidfer di MEP Evelyn Wever-Croes a duna di conose.

Expresionnan haci den e articulo aki no necesariamente ta refleha opinion di ArenaPoliti.co