Gaña y haci trampa dilanti di Huez
E medianan aki na Aruba cu Mieke No-Homber (“Geenman”) a cumpra - manera mi matutino “favorito” Diareo di e conocido Jossy M., acusa di hopi crimen - no a menciona at all den nan corantnan cu Michelle “Winkelaarster” a perde e caso cu ela entama contra mi persona y contra Solo di Pueblo den gran forma.
No! E medianan cumpra riba Aruba, manera Diaree, Awe Mainta y e canalnan di television 13 y 15, a menciona solamente cu huez a dicta cu e caso cu Michelle a entama contra mi persona pa motibo di mi acusacion cu ela comete fraude den e destaho y e otorgamento di e seguro di malesa pa studiantenan Arubiano na Hulanda na e compania ligá cu su casá “Insure to Study”, NO ta presta su mes pa un “kort geding”.  Oh ja, e Jossy M. ey, su diaree y su gloria pasá,....e berdad di mes ta completamente otro.

Pa Michelle “Winkelaarster”, kende no por lesa e veredicto na Hulandes:
Aki mi ta menciona e puntonan cardinal for di e veredicto di huez di dia 6 di mei 2015:
E huez ta constata corectamente y cu razon cu henter e actitud di e “Winkelaarster” mes ta mustra hopi cla cu e no tabatin ningun pura cu e caso aki; pasobra mi a skirbi mi prome acusacion contra su persona ya dia 29 di december 2014, mientras e “Winkelaarster” a cuminza cu su caso dilanti huez como protesta contra mi, nomas dia 25 di maart 2015 !!
Bon, scucha’ki: si bo ta tarda 3 luna pa bay huez, bo no mester bin hinca den bo cabez pa bay gaña huez cu bo tin un interes URGENTE pa limpia y purifica bo nomber; gaña dilanti huez e ora ey no ta yudabo na nada!
Si bo por warda 3 luna, aparentemente bo no tin ningun interes urgente, y ningun purá, y e ora ey bo no mester bay cana teima cerca e redaccion di Amigoe cu bo ta completamente den desacuerdo cu e huez pasobra lo ela basa su mes riba “timing” (whatever bo kier bisa cu esey!). No zeur, muher, pasobra bo a warda tres luna, bo NO tabatin un interes urgente, y si berdad bo a sinti cu bo “bon nomber” a wordo viola, inmediatamente bo mester a cuminza un caso sumario.
Pues e parti aki di e veredicto di huez tambe ta COMPLETAMENTE  CORECTO, y nada por cambia esey, ni den “hoger beroep”, tampoco den un “bodemprocedure”!

Wanta un rato!... huez a sigui dicta!!
Mayoria di hueznan lo a laga e asunto te ey, pero e cos aki ta un ehempel asina cla y obvio di manipulacion y bruhamento (“gesjoemel” y “gekonkel”) – y esey ta FRAUDE ! – cu e huez ta pone algo extra dushi y sabroso riba dje!!
Despues di a rechasa tratamento den “kort geding”, e huez ta sigui huzga, mas leu desde punto 3.5 riba pagina 5 di e veredicto, cu: 1) e negoshi chicito “Insure to Study” cu a wordo otorga e proyecto door di e “Winkelaarster”, no tabatin mester ni di cumpli cu e condicionnan di e procedura di e destaho, ni e mester a entrega e relatonan anual financiero cu tabata ser exigi, y referencianan di banco.
By the way: bo mester corda cu esaki a yega di pasa caba bao di e gobierno aki, esta den e procedura di destaho den e proyecto Hotel Hard Rock di Tico Croes. E gobierno aki tin un custumber di pone condicionnan di destaho masha dificil, pero cu cua un NV amigo no tin mester di cumpli. Pero e ministernan ta pretende di no sa nada di esey, pasobra tur cos tabata den man di un comision di evaluacion independiente, di cua solamente personanan masha “experto” y masha “integro” ta forma parti!!
Huez corectamente ta bisa cu e “Winkelaarster” no a ni bay contra (“bestrijd”) e reproche di Solo y di mi, esta cu e no a cumpli cu e condicionnan di e destaho, pasobra e no POR haci esey. Y esey pasobra e ta un HECHO! Contra esey tampoco un “hoger beroep” of un “bodemprocedura” ta yuda.
2) Ora cu e “Winkelaarster” hunto cu su casa a dicidi pa cuminza un negoshi di famia cu e primanan di e seguro, nan a hinca amigonan, coleganan di estudio di e casa Hooyboer, den e wega, pa den purá, djis dos siman prome cu e destaho, esta dia 18 di november 2014, funda  “Insure to Study” na Den Haag.
Nada straño cu huez cu razon ta comenta: “berdad sospechoso, straño berdad, no?”
UN COMPANIA CU NO TA EXISTI, TA GANA E DESTAHO!!
CORDA CU RIBA E DIA IMPORTANTE 13 DI NOVEMBER 2014, “INSURE TO STUDY” NO TABATA NI EXISTI MES!
3) Y mas straño ta, cu dia 13 di november 2014 tabatin un reunion obligatorio pa tur esnan cu lo a participa na e “bidding”, unda cu nan mester a paga pa tur e informacionnan tocante e procedura di e destaho.
PERO...”INSURE TO STUDY” NO TABATA EXISTI DIA 13 DI NOVEMBER 2014!! Con demonio bo por gana un destaho si bo no ta existi ainda riba e dia cu bo mester bay cumpra e informacion riba e destaho ey??
Bo no ta exisiti ainda, pues bo no por cumpra informacion, pero SÍ bo ta gana e destaho; esey no ta manipulacion y fraude? Esey no ta un destaho reglá?
4) E capital depositá y colocá (“gestort en geplaatst kapitaal”) di “Insure to Study” ta unicamente 1 Euro. Ta straño anto cu Huez cu razon ta puntra su mes: “e compania chikito ey di berdad lo por tin bastante capital pa por cumpli cu transaccionnan di miyones tur aña? E contesta eyriba ta un NO hopi cla; y na esey un “hoger beroep” of un “bodemprocedure” tampoco lo no por cambia nada!
5) E compania chikito “Insure to Study” NO tin empleado den servicio, tampoco e tin un liña di telefon fiho, y riba esey huez ta bisa: “con e compania pues ta pensa di por atende y defende e interesnan di 1200 studiantenen na Hulanda?”!
6) E casa di e “Winkelaarster”, un tal Hooyboer tin contactonan extenso via internet cu e accionistanan di “Insure to Study”; pues ta hopi razonabel considera y asumi cu e situacion ey a contribui na e hecho cu e destaho a wordo otorga na “Insure to Study”.
Y tuma bon nota di lo siguiente: e contacto via internet aki a ser nenga tanto door di Hooyboer como door di e “Winkelaarster”, pero ela wordo comproba sí durante tratamento di e caso!
7) E ponencia di e “Winkelaarster” cu “Insure to Study” lo ta forma parti di e compania Jonker-Schotte Adviesgroep BV, un empresa cu ta existi desde 1951, y di cua e personal lo tin 15 aña di  experiencia cu seguronan, NO  TA  CAMBIA  NET  NADA na locual ta wordo bisá mas ariba, asina huez ta huzga!! Pasobra ningun prueba  a ser entrega pa e ponencia aki. Nunca tabatin ningun informacion for di cua ta resulta cu Jonker-Schotte lo tin e responsabilidad pa e claims di studiantenen Arubiano na Hulanda. Al contrario!!
8) Cu razon huez ta conclui cu no ta existi ningun seguridad cu studiantenan Arubiano lo NO  keda perhudica y desempara den caso cu “Insure to Study” no por cumpli cu su obligacionnan contractual pa cu e studiantenan.
9) Resumiendo huez cu razon ta dicta cu De Ruijter y Solo no a actua inhusto en absoluto, cu nan no tin NADA di rectifica; huez ta rechaza e sumanan cu a ser demanda, y ta condena e “Winkelaarster” pa paga tur e gastonan di e caso aki.

“Hallo Winkelaarster: Porfin, bo a comprende?”
Wel, wel, ....esey si tabata un sentencia. Y ainda e “Winkelaarster” ta bisa cu e no ta di acuerdo at all cu ne .....cu huez a considera solamente e “timing” (ken por splicami kiko e kier meen cu esey??) ....... y cu su abogadonan no a splica e asunto bon....wel, Winkelaarster, mi tin un nobo pa bo:..ningun abogado lo por splica bo NONSENSE aki encuanto bo destaho publico. Locual ta trocí, ta keda trocí; y fraude ta keda fraude, no tira culpa riba bo abogadonan!

Un bunita entrada extra.
Check esaki bon: “Insure to Study” ta bay ricibi tur luna 96.000 EURO na prima, pero tin solamente 1 EURO na capital pa paga claims di seguro ....un bunita deal pa Hooyboer y “Winkelaarster”, pero sigur no pa e studiantenan!

Y por ultimo: “Winkelaarster” ainda ta evaluando cu su conseheronan si e kier continua cu un
“bodemprocedure”. Mi conseho? .....Mi conseho ta hopi cla,...esta por lo menos si bo sa lesa!!!

Mi conclusion?
Hopi logico toch? ......cu un veredicto asina mi ta coy mi caminda, bay Ministerio Publico, y mi ta entrega e keho. Esaki ta un caso hopi cla pa mesa berde!


Jan de Ruiter - This email address is being protected from spambots. You need JavaScript enabled to view it.
mei 16, 2015

Expresionnan haci den e articulo aki no necesariamente ta refleha opinion di ArenaPoliti.co