Pa algun anja PPA ta como unico organisacion politico ta hasciendo nos esfuerzo pa hala atencion di gobierno, parlamento y pueblo pa e consecuencianan di ‘climate change/risings sea waters’. Durante e proceso ey nos a tende……cu pa ora esey sosode nos generacion lo no tey mas. Locual a pone nos reacciona cu e pregunta….Si nos generacion lo no tin e deber di larga un Aruba atras pa generacionan cu lo sigui nos por tin un bon calidad di bida ?

‘Nivel de lama ta subi probablemente cu mas di un meter den siglo 21”  titulo di un articulo publica den  un matutino fecha 23 di februari 2016. PPA tabata contento di mira cu e topico ta hanjando mas atencion di  prensa segun tempo ta pasa.  E articulo ta menciona cu Aruba di su banda a bin ta hasciendo un esfuerso grandi pa trece cambio. E keintamento di mundo y su consecuencia ta principalmente pa e islanan/nacion, cu no  ta esnan cu ta gran causante di e problemanan climatico pa mundo. Pesey e iniciativanan mester bini di paisnan grandi pa dal pasonan grandi pa protéga mundo aki pa futuro generacionan.”

Na prome lugar PPA kier mustra cu Aruba cu a conoce un refineria pa un 80 anja a contribui na e proceso cu ta causa cu e ‘ijs’ ta smelt causando e nivel di lama pa aumenta.

Locual segun PPA  gobierno di Aruba y  parlamento di Aruba no a dedica atencion na djele ta e hecho cu mester hiba un maneho ‘nacional’ pa limita e posibel danjo cu Aruba por sufri den futuro. Otro isla den Caribe ta masha activo  preparando nan mes pa limita esaki. Islanan Ingles  conhunto  cu Universidad di Oxford, Inglatera  a haci un estudio cual estudio nan a usa pa logra finanzas di Naciones Unidas pa:

1. Hisa e nan infrastructura/ careteranan cerca di lama.
2. Analisa si tin forma pa proteha hotelnan cu por ta construi riba beachnan manera e caso na Aruba.
3. Planta Mangrove cu ta un proteccion natural …..,
4. Construccion di ‘dijknan’ pa proteha pueblo cu ta biba cerca di lama….

y mucho mas.

Lamentablemente gobierno di Aruba No a tene cuenta cu ora lama subi un meter na Aruba esaki lo por tin consecuencia directo pa Casnan y negoshinan na e.o.  Zeewijk, Cura Cabai, Savaneta, Pos Chikito, Balashi, Oranjestad y nos beachnan/hotelnan  na Oranjestad y Noord…! Gobierno di AVP no a hasi e preparacion aki parti di nos ‘agenda nacional’ y e motibo pa PPA ta hopi cla.  Hasciendo esaki parti di nos agenda nacional lo trece cune cu lo mester reserva  fondo publico pa inverti den e trabaonan cu lo mester worde hasi. Esaki indudablemente lo aumenta e  ‘deficit financiero’ y demonstra den forma cla cu gobierno di AVP a inverti e ultimo seis anja den locual no tabata prioridad pa nos pais.  

Pesey mes gobierno di Aruba p/m di Prome Ministro Eman a nenga di dedica atencion na e publicacionan di PPA ta te na Paris, Francia el a bin declara cu e aumento di nivel di lama tin consecuencia pa Aruba tambe. Pero actua na Aruba pa minimalisa esaki….te awe nada.

PPA no ta contento cu Hulanda kier hinca man den maneho nacional financiero di Aruba pero  no kier carga su responsabilidad siendo  e pais cu mas experiencia den mundo di biba  bao di nivel di lama pero no ta stimula gobierno di Aruba pa dedica atencion na e problematica aki. Mientras majoria isla hulandes incluso Aruba no ta dedica atencion (suficiente) na e problematica aki Hulanda ta ‘consultant’ di hopi pais y estado rond mundo ….ultimamente nan a firma un acuerdo pa juda Colombia riba e topico di ‘climate change/rising sea levels’ mientras  e pais/islanan formando parti di Reino no ta ricibi e atencion debido riba e materia aki.

PPA ta di opinion cu nos sociedad mester lanta for di sonjo y demanda  cu gobierno di Aruba mester dedica atencion na e problematica serio aki. Cu aumento di lama cu un meter e por significa cu Aruba ta perde 32 meter di  beach etc. cu  tur consecuencia cu esaki ta trece. E lo affecta hopi  cas y negoshi cu ta cerca di lama.

Tin consecuencia di movicion natural cu bo no por proteha bo mes pele….sin embargo ta un verguenza ora un cantidad di isla anjas largo ta dedica atencion na e materia aki pa proteha futuro di nan pueblo pero Aruba pa motibo politico ta keda wowo sera pa e seriedad y consecuencia di esaki. Un dia lamentablemente nos lo paga un ‘prijs’ caro pa e negligencia aki si esaki no worde coregi na tempo.

PPA ta keda alerta riba e tema aki y nos lo bin bek den otro articulo cu mas informacion.

Aruba, 23 di februari 2016                                     Lider Politico di PPA

                                                                                   BENNY NISBET

Expresionnan haci den e articulo aki no necesariamente ta refleha opinion di ArenaPoliti.co