Nos a tuma nota di e reaccion di mediador di e Gobierno di AVP en relacion na e defensa di MEP di e 44 trahadornan di Aura casino. Nos di MEP kier bisa enfaticamente: CU MEDIADOR Y AVP GUSTA OF LAGI GUSTA MEP LO DEFENDE E 44 TRAHADORNAN DI AURA CASINO.

Nos ta lamenta profundamente cu mediador ta laga su mes wordo usá dor di Gobierno di AVP dor di declara cu e criticanan di Oposicion no ta contribui na un solucion. Gobierno di AVP y mediador mester compronde cu problema di cada cuidadano ta asunto di e Parlamentarionan di Pueblo di Partido MEP.

Minister di Husticia, Minister di Labor, Minister di Turismo y Minister President NIUN no a move un dede pa EXIGI e salarionan pendiente di e 44 trahahdornan wordo pagá. Riba dje mediador tampoco no a hasi nada pas EXIGI esaki.

MEP a pidi un reunion di Parlamento pa nos EXIGI Gobierno di AVP, Hotel Occidental, Grupo Barcelo y Donjonan nobo o bieuw pa PAGA e 44 trahahdornan nan salarionan pendiente.

MEP ta condena e postura Anti Trahador cu Gobierno di AVP y mediador a tuma. Semper Gobierno a tuma parti pa donjo di trabao lagando trahahdornan cai semper y mediador igual envez di ta sikiera neutral. Nos leynan ta EXIGI e salarionan pendiente wordo pagá, pero un Gobierno pro trahador mester EXIGI esaki. Lamentablemente nos Digno Pueblo a conoce un Gobierno di AVP ANTI TRAHADOR. NUNCA DEN E ULTIMO 7 ANJANAN AVP A DEFENDE E PUEBLO TRAHADOR.

Nos Digno Pueblo por tin e garantia cu MEP lo defende TUR trahadornan di TUR casino na Aruba y TUR den e sector Hotelero den Bon of den Malo como e Partido Sindicato di nos Digno Pueblo. PAGA E 44 TRAHADORNAN DI AURA CASINO PA CABA.

Expresionnan haci den e articulo aki no necesariamente ta refleha opinion di ArenaPoliti.co