MEP: Si e ley no pasa, AVP ta bay desmantela e refineria mesora
Den seno di AVP semper nan tabata realmente contra e refineria. AVP ta conoci pa a purba desmantela e refineria, no un biaha sino dos biaha. E famia Eman ta conoci como esnan tras di kier elimina e refineria for di mapa di Aruba.
Na aña 1989 nan a cuminsa corta e tubonan caba. Ta pueblo a core cu nan y manda nan cas cu a logra scapa e refineria. Si MEP no a drenta gobierno na 1989, awor Aruba lo no tin refineria.
Na aña 2016 nos ta den e mesun situacion. AVP a cuminsa desmantela caba. Valero mes a anuncia esey. AVP a parti e bolo caba di desmantelacion. P’esey awe tin hende tristo cu nan ta perde nan "bolo".
Pero no equiboca. Mike Eman ta CONTRA e refineria. Semper e tabata. E refineria ta stroba su vision absurdo GREEN. Ningun hende por tum’e na serio mas den henter mundo ora e bay papia di su green fluff. Hasta Paris el a bay firma acuerdonan cu ta stroba un refineria na Aruba. E realidad ta cu si e refineria habri, esaki ta ridiculisa Mike Eman den henter mundo!
Si e ley no pasa Parlamento e siman aki, Mike Eman y AVP lo cuminsa desmantela mesora. Y e ora ey si nos lo no tin refineria nunca mas na Aruba!
Expresionnan haci den e articulo aki no necesariamente ta refleha opinion di ArenaPoliti.co