Hopi hende ainda no ta realisa e embargadura di mal maneho di Mike Eman. Adhunto tin e relato OFICIAL publica hunto cu e presupuesto 2014 cu ta mustra cu oficialmente ministernan di Mike Eman tin 373 coordinador di cual Mike Eman SO tin 137 coordinador! Esaki ta e relato oficial, pasobra extra oficialmente nos sa cu tin centenares di coordinador mas cu tin contract atraves di nan propio compania manera Simon Arends, Richard Arends, Piet Pronk, Klaas Tuinstra, Benvinda de Sousa, etc, etc. cu porcierto ta gana mucho mas placa cu esnan riba e relato oficial.
Pero ora bo para keto y puntra bo mes: un prome minister tin mester di 137 pa yude cu su trabou? Ta ki tanto trabou e cantidad extravagante aki tin pa hasi? Ni un departamento manera Belasting tin tanto hende anto nan tin trabou hopi mas responsabel!

Riba dje nan no ta haya un simpel salario! Nan ta gana schat di placa. Sin ningun estudio, nan ta gana mes hopi cu un hoben cu caba di studia na Hulanda. Esnan cu estudio ta gana mes hopi cu un parlamentario.

Ta e abusonan aki cu a causa nos MEGA DEBE. ‎Ta pesey IMF a bisa cu nos debe a yega 80% di GDP. Ta pa e decisionnan inaceptable aki di Mike Eman nos yiunan y nan yiunan den e sigiente 20 anja mester paga pa e debe cu Mike Eman a redobla. Pueblo, ainda bo ta kere den e persona aki? Of ta tempo pa dun'e un senjal pa e baha na awa?

Expresionnan haci den e articulo aki no necesariamente ta refleha opinion di ArenaPoliti.co