Minister Oduber a indica cu Resona ta hopi importante pa nos ‘intangible cultural heritage’. E meta ta pa e trece nos herencia cultural musical na un nivel internacional, cu combinacion di nos generacion hoben cu composicion folklorico (tradicional). Asina tambe creando aprecio di nos cultura bou di nos comunidad cu e obhetivo pa educa nos hobennan

E projecto aki ta e inicio di e fase di documentacion y educacion. E proyecto aki lo wordo continua hunto cu UNESCO y Fundacion Herencia Cultural Imaterial pa e bay asina incorpore den material nan sostenibel.
Resona ta un proyecto asina grandi y cu un calidad halto di produccion cu ta crea asina aki un posibilidad pa tin material di Musica cu por wordo exporta. Esaki ta un producto cu sigur ta forma parti di ATA su strategia pa por ofrece mas di nos cultura na nos bishitantenan. Usando nos musica, nos papiamento y nos musiconan hoben riba un nivel internacional.

ATA dunando so aporte na un proyecto di e magnitude aki ta cay sigur den linea cu su ‘business plan’ y tambe e rapport ‘Winning the Future’, cu a pone enfoke cu nos bishitantenan ta busca mas cu ‘sun, sea and sand’. Nan ta buscando authenticidad, cultura, interaccion cu nos hendenan y un experencia unico. E aporte di Ministerio di Turismo y ATA ta enfoca e educacion y experiencia di e turista.