Presentacion di sr. Nelson English dialuna y diamars tocante futuro di refineria 

Parlamento a invita sr. Nelson English pa duna un presentacion na e Comision di Energia tocante su vision pa cu e futuro di e refineria na Aruba.
Sr. English no ta un desconosi. Sr. English tabata envolvi den e re-apertura di e refineria na anja 1991 den Coastal, y despues El Paso, y conose e refineria di Aruba hopi bon. Parlamento a invita sr. English pa duna un presentacion cual lo tuma lugar dialuna mainta.

Dialuna anochi tin oportunidad pa prensa, gremionan y esnan interesa atende e presentacion, di 7.00 - 9.00 p.m. na Surfside Marina. Diamars anochi un presentacion similar ta wordo duna na YMCA San Nicolas, organisa pa San Nicolas Business Association, cu tambe ta habri pa publico en general.

No perde e oportunidad aki!

Expresionnan haci den e articulo aki no necesariamente ta refleha opinion di ArenaPoliti.co