MEP: Fraccion MEP a informa Gobernador cu ta limitando parlamentarionan den preparacion di ley di aumento di BBO
DICTADURA E DRENTA BEK DEN PARLAMENTO
ORANJESTAD -- Manera ta conoci parlamento ainda falta pa trata e ley di aumento di BAZV prome cu reces. E siman aki e ley a drenta Parlamento, y na un forma hopi dictatorial e presidente di parlamento Chris Dammers a dicidi cu parlamento lo haya solamente 1 dia y mei pa studia e ley y manda pregunta.
Fraccion di MEP no ta haya e forma aki di trata parlamento uno na su lugar pasobra ta trata di un ley di embargadura grandi, y kier limita parlamentarionan di studia y hasi preguntanan un bes mas.
Ta trata di otro impuesto cu lo wordo aumenta cu 1%, siendo cu e promesa di gabinete Mike Eman ta cu lo ELIMINA e belasting aki.
Sra. Marisol Lopez-Tromp a hasi su best den ultimo simannan pa trese democracia bek den Parlamento, sinembargo den apenas algun dia Chris Dammers ta mustra di ta introdusi dictadura bek den parlamento. Falta di transparencia y arogancia ta pone cu mester bulldoze e medida aki, y stroba parlamentarionan di hasi nan trabou.
Den cuadro di esaki Fraccion di MEP a manda un otro keho oficial na Gobernador tocante esaki, cu copia pa politiconan na Hulanda pa asina tur hende sa ki clase di politiconan tin den AVP, hendenan cu no tin respet pa democracia.
Expresionnan haci den e articulo aki no necesariamente ta refleha opinion di ArenaPoliti.co