Aruba y su pueblo ta para dilanti un reto sumamente importante y alaves peligroso. Diahuebs awo Mike Eman y su Gobierno kier pasa e ley di CAFT den Parlamento di Aruba. E ley aki no ta solamemte inconstitucional pero e ta percura pa kita nos Libertad como pueblo. Hulanda a laga Mike y su Gobierno haci y deshaci cu reglanan di bon Gobernación cu awe nos ta para na un pais cu ta prácticamente bancarota. Hopi kier pretende cu ainda e Gobierno aki tin derecho di existencia pero esey ta un opinion basa riba probecho personal y no uno di amor pa patria.

E ley di CAFT ta e resultado di e mal maneho hiba desde di 2009 lidera pa Michiel Godfried Eman y su Gobierno. Door di mal uso di fondonan publico e Gabinete a haña un KB Koninklijke Besluit basa riba Statuut. E documento mas halto den Reino después ta nos Staatsinrichting. E ley ta Anti-Democratico pasobra un ley di e magnitud aki mester wordo traha den un Koninkrijkswet y no uno Nacional. E ley ta illegal pasobra tanto e protocol di Mei 2, 2015 como e Landsverordening ta uno Anti-Democratico. Dos Gobierno no por firma un ley y laga Parlamento afo e organo mas halto di pais Aruba cu su representantenan eligi Democráticmente.

Nos di MEP ta para pa un Aruba cu Status Aparte y un Autonomía fuerte cu nos Organonan di Estado functional cu Trias Politica pa proteha interes di nos pueblo. Si e ley di CAFT pasa Diahuebsa awo e lo kita e curason di nos Status Aparte y consecuentemente nos ta bek den un status politico Colonial data na aña 1922. Nos ta rechasa e ley aki totalmente. Nos tur sa cu e 13 Parlamentarionan di AVP lo aproba dicho ley anto pesey MEP a decidi pa mobilisa pueblo.

Pakico nos di MEP ta contra e ley di CAFT:
1. E ley ta illegal y contra Democracia Arubano.
2. E ley lo trece cu ne mas di 24 Medida cu lo caba cu nos digno pueblo un pueblo financieramente den dificultad caba.
3. Nos lo perde e curason di nos Status Aparte.
4. No tin garantia cu Mike Eman y su Gobierno lo baha nan gastonan na un manera husto pa no perhudica pueblo.
5. Pakico perde nos Status Aparte pasobra Mike y su grupo di Alibaba no sa Goberna drechi. Nan a crea e problema aki dus nan no por ta e solución tampoco.

Nos di MEP después di un reunión extraordinario cu nos Lider Evelyn Wever Croes a decide cu un resolucion aproba unánimemente cu e ley aki mester wordo para Diahuebs awo Augustus 27, 2015. Nos a pidi pueblo pa acudi na e reunion aki pa e rosea cayente di pueblo preciona Gobierno pa no pasa e ley Anti-Democratico aki. Nos lema lo ta "AWO TE ORA" "BAHA NA AWA". Nos ta pidi e pueblo di Aruba den su totalidad pa bin Parlamento di Aruba Diahuebs awo cu mas tanto hende posibel pa stop e ley aki di pasa.
Vox Populi Vox Dei. Solo el Pueblo salva el Pueblo.

" Si un dia nan mishi cu nos Status Aparte esaki kiermen guerra."

Libertador di Aruba
Gilberto François " Betico " Croes

Expresionnan haci den e articulo aki no necesariamente ta refleha opinion di ArenaPoliti.co