Den su relato Banco Central a duna un masha mal noticia; Banco Central a ahusta su pronsotico pa loke ta e cresemento economico pa anja 2015: den prome instancia nan a pensa cu nos economia lo crese cu 2.9%, pero awor ta resulta cu nan ta tene cuenta cu e tin chance di crese cu solamente 1.5%. Ademas, den e cresemento aki Banco Central ta tene cuenta cu e proyecto di Urirama un biaha mas, sin tene cuenta cu e tantisimo casonan den Corte cu tin caba contra e proyecto y cu lo hasi imposible pa e proyecto cuminsa otro anja. Kiermeen cu te hasta e pronostico di Banco Central di 1.5% ta uno hopi dudoso. Por cierto, Banco Central tin algun anja caba ta duna pronosticonan irealsitisco y mucho halto, cual ta un di e causanan di cresemento drastico di nos debe nacional.

 

Hunto cu e donwgrading di cresemento economico pa 2015, tambe Banco Central ta anuncia un inflacion di 1.3% pa 2015, debi cu a hisa e tarifanan di coriente y cu lo aumenta e BBO e anja aki ainda! Aki nos por cuminsa mira e efectonan di e tantisimo medidanan cu regimen di Mike Eman a introdusi contra nos pueblo.

 

E downgrading di e cresemento economico tin tambe consequencia pa e maneho cu Mike Eman a anuncia poco dia. Segun Mike Eman na 2018 Aruba lo conose un balanced budget. Sinembargo CFT ta cla y raspa den su rapport. Pa na 2018 Aruba sali di e desgracia financiero cu Mike Eman y su ministernan a ocasiona Aruba, mester garantisa un cresmeento economico di mas halto cu 3% tur anja! Cu cresementonan minimo di 1% bo no ta logra e meta ey. Pues tur cos ta mustra cu lo tarda nos pais 26 anja pa recupera di e desgracia cu Mike Eman ta ocasionando nos pais y cu Mike Eman ta ganja un biaha mas.