Xiomara Ruiz-Maduro: Pensionado di APFA no mester confia Minister Eman
Te cu diabierna dos siman pasa Gabinete Eman no tabata di paga e pensionado di APFA e placa di gelijkbedrag, reparatietoeslag y bashipremie. Esaki ta locual Minister Bermudez a contesta Parlamento di Aruba preto riba blanco contestando pregunta di nos Fraccion si gobierno lo paga e placa na e pensionadonan di APFA. Pero dialuna den presencia di un multitud grandi di pensionado cu a bin presencia e debate publico den tribuna na Parlamento, Minister Eman manera un heroe a presenta un Nota di Cambio den cual gobierno ta cambia e ley pa asina sigi paga e placa di gelijkbedrag, reparatietoeslag y bashipremie.
Cu e cambio aki ta logra cu na December 2014 lo paga e pensionadonan debidamente, pero no tin ningun seguridad si Gabinete Eman lo sigi paga e pensionadonan di APFA manera custumber. E motibo ta sinta den e hecho cu den e Nota di Cambio tin poni cu gobierno a papia cu representante di pensionado y a haci palabracion con lo sigi pa sostene e fondo di APFA y den futuro lo keda dialogo cu e grupo aki. Pero en realidad Gabinete Eman no a dialoga ningun dia cu OPPA kende ta e representacion official di e grupo di pensionado di APFA. Riba dje Minister Eman no kier bisa ta kiko a keda palabra cu e grupo di representante cu a papia cune. Pues asina ta bira bisto cu no tin nada concreto y cu di un ora pa otro Gabinete Eman lo por keda atrobe sin paga e pensionado di APFA bisando cu situacion financiero di gobierno no ta permiti.
Mester remarca cu di e manera aki Minister Eman ta practicando clientelismo cu e grupo di pensionado door di mishi cu nan necesidad y hinca nan den e situacion di mendiga serca e mandatario pa por haya un pago cu nan a bin ta haya caba y cu a bira hasta un derecho adkeri. Esaki ta un abuso y no por permiti Minister Eman haci e tipo di wega asina creando un necesidad serca hende pa despues bin hunga heroe door di cumpli cu algo cu ya e hende tabata tin derecho di dje. Hende cu ta haci wega asina no ta di confia. Pesey e pensionado di APFA no mester confia Minister Eman y mester busca mas claridad pa por tin seguridad cu gobierno lo sigi paga gelijkbedrag, reparatietoeslag y bashipremie.
1 december 2014
Cu e cambio aki ta logra cu na December 2014 lo paga e pensionadonan debidamente, pero no tin ningun seguridad si Gabinete Eman lo sigi paga e pensionadonan di APFA manera custumber. E motibo ta sinta den e hecho cu den e Nota di Cambio tin poni cu gobierno a papia cu representante di pensionado y a haci palabracion con lo sigi pa sostene e fondo di APFA y den futuro lo keda dialogo cu e grupo aki. Pero en realidad Gabinete Eman no a dialoga ningun dia cu OPPA kende ta e representacion official di e grupo di pensionado di APFA. Riba dje Minister Eman no kier bisa ta kiko a keda palabra cu e grupo di representante cu a papia cune. Pues asina ta bira bisto cu no tin nada concreto y cu di un ora pa otro Gabinete Eman lo por keda atrobe sin paga e pensionado di APFA bisando cu situacion financiero di gobierno no ta permiti.
Mester remarca cu di e manera aki Minister Eman ta practicando clientelismo cu e grupo di pensionado door di mishi cu nan necesidad y hinca nan den e situacion di mendiga serca e mandatario pa por haya un pago cu nan a bin ta haya caba y cu a bira hasta un derecho adkeri. Esaki ta un abuso y no por permiti Minister Eman haci e tipo di wega asina creando un necesidad serca hende pa despues bin hunga heroe door di cumpli cu algo cu ya e hende tabata tin derecho di dje. Hende cu ta haci wega asina no ta di confia. Pesey e pensionado di APFA no mester confia Minister Eman y mester busca mas claridad pa por tin seguridad cu gobierno lo sigi paga gelijkbedrag, reparatietoeslag y bashipremie.
1 december 2014
Expresionnan haci den e articulo aki no necesariamente ta refleha opinion di ArenaPoliti.co