Den pasado un di e promer decisionan cu promer minister Mike Eman a tuma ta pa invita e hulandesnan bin investiga su actual colega di partido Sra Marisol Lopez Tromp riba otorgamento di tereno. Mike Eman y Benny Sevinger a yama Sra Lopez Tromp pa tur sorto di cos y tawata insinua cu e lo tawata bende terenonan di pueblo. Ta pesey nan a pidi un investigacion contra dje. Pa stranjo cu e por zona awe 7 anja despues di e fiesta di Benny Sevinger te dia di awe Mike Eman no a haci un invitacion na WODC pa bin investiga e practicanan hopi stranjo y dudoso di Benny Sevinger.
E actual minister di infrastrcutura a demostra un incapacidad enorme pa maneha e cartera aki. E no tin vision, e no tin maneho y su maneho mas bien ta wordo dirigi pa su cartera y tambe pa e grupo di tanchi. Mientras pueblo tin cu para den rij pa entrega nan peticion pa por bin na remarke pa haya un pidi tereno pa construe un cas Tanchi ta manda email pa coordinadornan dunando opdracht con grandi e kier e treno, kiko mester ta e condicionan y tambe kiko mester pone den carta. Tanchi ta haya un trato super preferencial y nos ta lamenta cu Tanchi ta haya un trato asina anto di otro banda e pueblo mes ta wordo maltrata pa Benny Sevinger. Tin un lista di espera di 11.000 hende cu ta wardando un pidi tereno pa traha un cas. Pero pa e hendenan aki no tin tereno, pa e hendenan aki no tin atencion. Tur e e hendenan aki tin anjas ta warda pero no tin nada pa nan pasobra nan no por yuda Benny Sevinger cu nada. Tin asina tanto prueba riba mesa cu nos tin cu puntra nos mes pakiko Mike Eman ta keto y pakiko Mike Eman no ta actua. Dikon Mike Eman no ta busca WODC pa bin haci un investigacion impracial manera a sosode den pasado? No por ta asina cu tanchi, rumanan y sobrinonan ta deal directo cu minister y ta haya cual tereno nan kier anto pueblo mester tin cu para den rij y warda anjas pa haya un pidi tereno. Si e grupito yega na Benny Sevinger aki tawata desaroya e terenonan aki nos no tin ningun problema cu esaki. Pero a para bira cu ta haci peticion pa un tereno cu pretexto pa desaroya, ta bira pone e tereno aki riba mercado, ta pidi miyones di florin pa e trenonan aki pa despues bendenan y traha placa riba custia di pueblo. Tur e practinan aki ta illegal y ta contra ley y tur ta wordo haci cu consetimiento di Benny Sevinger. E abusonan aki mester wordo para. E abusonan aki mester yega na un fin. Un minister tey pa sirbi su pueblo, un minister tey pa sirbi interes general. Un minister no tey pa aproba y coopera cu practicanan illegal. E terenonan cu ta wordo reparti ta terenonan di pueblo. Nos mester recorda Benny Sevinger cu e terenonan aki ta patrimonio di nos pais. Kende a dune e autoridad pa haci deshaci cu terenonan manera e ta haya ta bon. Awor ta bin resulta cu un grupito so a haya mas di 50.000 M2 di tereno di pueblo pa pone esakinan na benta y reparti finders fee. Nos ta spera cu Mike Eman ta actua y ta atende cu e asunto serio aki. Si e kier e pais aki bin e ta laga WODC haci un investigacion y yega al grano di e practicanan aki di Benny Sevninger. Un minister cu no ta respeta regla, no ta respeta ley, no ta respeta ni sentencua di huez mester saca su conclusion y bai su cas! Pueblo ta harta y fada di warda anjas pa tereno anto di otro banda ta wak con e grupito aki ta enriquece nan mes riba custia di nos tur!

Expresionnan haci den e articulo aki no necesariamente ta refleha opinion di ArenaPoliti.co