DOW, Serlimar y Santa Rosa trahando riba limpieza y rehabilitacion di camindanan   

ORANJESTAD – Adicional na e esfuerzonan cu ta forma parti di e accion ‘Hunto Nos Ta Yuda’ organisa pa Gobierno di Aruba hunto cu Crus Cora y varios instancia publico, Minister di Infrastructura Benny Sevinger y Minister di Sector Primario Mike Eman ta coordina trabounan pa limpiesa di diferente area y rehabilitacion di caminda pa seguridad di nos ciudadanonan.

“Tur ploeg di DOW, Serlimar y Santa Rosa ta trahando riba diferente front, un ta e riool cu mester haci limpi, e rooinan cu mester wordo haci limpi, damnan cu mester wordo haci limpi, pero tambe e careteranan cu  mester wordo bari pa e santo kita paso e ta peliger pa trafico, pero tambe ta kibra e asfalt bou di dje,” asina e titular di Infrastructura a declara.

Minister Sevinger: “Mas lihe posibel nos kier tin nos careteranan limpi, pero tambe e barionan cu a sufri daño pa e sushedad. Y esey nos ta haciendo den e dianan aki, e ta bay tarda pasobra ta hopi trabou tin, pero cu tur ploeg di DOW y tur departamento di Serlimar y Santa Rosa, nos ta sigur cu den e proximo dianan nos lo tin un limpiesa total di nos pais y asina ey nos lo ta actualisa atrobe pa loke ta trata nos infrastructura.”

Expresionnan haci den e articulo aki no necesariamente ta refleha opinion di ArenaPoliti.co