Lider di partido, mr. Evelyn Wever Croes tabata tin varios encuentro cu diferente persona pa reactiva e hala hubenil di partido MEP. Hala hubenil tin un tarea importante pa por prepara, conscientisa y motiva e hobennan cu pa prome biaha ta bay vota pa eherce nan derecho di voto den un forma consciente di e realidad cu nos ta bibando na Aruba, ya cu no por sigui den e mesun direccion. 

Hunto a forma e directiva nobo di H.O.T. cu ta conoce caranan nobo y cu hopi energia pa traha pa haci e hala hubenil di M.E.P uno grandi y fuerte pa e siguiente eleccionnan. 

Esnan cu ta forma parti di e directiva ta lo siguiente: Luis Luna Tesorero, Derlina Kock Secretaria, Xavier Maduro Vice Presidente y Lyonel Dirksz Presidente.

Directiva y miembronan di H.O.T. ta wordo instala oficialmente dia 24 Januari 2017 den un evento grandi cu partido MEP ta organisa den Savaneta. 

Diaranson 18 Januari ta spera tur hoben pa 7’or di anochi na Cede di MEP pa haya tur informacion di H.O.T. y registra pa bira miembro di H.O.T. y haya T-Shirt cu e logo nobo di H.O.T.  Candidatonan di M.E.P. lo ta presente pa dialoga y contesta tur pregunta y preocupacion di e hubentud. Partido MEP ta desea e hala hubenil hopi exito den e tarea nobo.

Expresionnan haci den e articulo aki no necesariamente ta refleha opinion di ArenaPoliti.co