Dialuna ultimo dia 11 april a tuma lugar e prome debate entre partidonan politico cu a keda invita pa sector di economía. Partidonan a haya e oportunidad pa durante 15 minuut duna un presentación ariba e tema di economía sigui pa 5 minuut di pregunta. Despues tur candidato presenta a tuma asiento y alumnonan tawata tin e oportunidad pa haci pregunta na e panel. Partido ReD representa pa sr. Ricardo Croes a haya un tremendo acogida serca e alumnonan. Un comentario di un di e alumnonan tawata ta cu Red ta papia cla y raspa y no ta “sugar coat” e berdad manera e otro tres partidonan a haci. Otro pregunta tawata ta: “Kiko e reapertura di e rafinaderia ta significa pa e desaroyo di Sanicolas”? ReD tawata tin un pregunta y comentario ariba e pregunta ey y esey tawata ta y ta: “Con por ta posible cu desde cu e rafinaderia a bin e ta na Sanicolas y awe ainda tin e pregunta aki? E contesta ta simpel, e lo significa nada pa Sanicolas su desaroyo den man di e dos partido tradicionalnan cu a haya e oportunidad y no a use pa desaroya Sanicolas. It’s not about Sanicolas so sino full Aruba. E ta un simpel cuestión di infrastructura y repartición di industria y departamentonan di gobierno ariba e isla, un cuestión di planificación. Tur campaña atrobe cu e tema di desaroyo pa Sanicolas, increíble. Partido ReD Democratico a elabora ariba e tema di modelonan económico y a ilustra den corto e diferencia entre economía Linear y economía Circular y e importancia pa nos cambia di un modelo pa e otro. Economia linear ta basa ariba expliotacion di nos recursonan natural a costo di nos medio ambiente mientras cu economía circular ta enfoca su mes ariba un manera nobo pa diseña producto, optimalizando e salud di e materialnan, reciclabilidad y renovables pa protege nos medio ambiente. E modelo circular ta mira e sushi como materia prima pa produci producto y/o energía limpi/alternativo. Cu otro palabra dump lo pasa pa historia di una ves pa semper. Tambe ReD a elabora ariba puntonan mas directo y mustra cu 1. Turismo mester expande y bin cu turismo medico y deportivo. 2. Mester crea otro pillar di economía cu entre otro legalisacion di cannabis y amplia ariba e tecnología di “waiste to energy” pa producción di energía. 3. Mester inverti den infrastructura y crea un fietspad y un tranporte publico eficiente. 4. Un maneho financiero responsabel ta indispensabel. Nos mester considera y respeta consehonan duna pa Raad van Advies y tambe di Algemene Rekenkamer y teniendo cuenta cu Social Economische Raad, Banco Central di Aruba, IMF, Comision Financiero y Comision Nacional di Finanzas Publico. 5. E rafinaderia mester wordo usa solamente pa un periodo di transición di consumo di petrolio pa energía alternativo. Nos mester realisa cu nos ta matando e mundo aki y esey ta inacceptabel pa e futuro di nos yiunan. E area di rafinaderia por ser usa pa produci energía alternativo. 6. Nos mester inverti den educación. Nos mester duna studieopdracht y crea tur e professionalnan cu Aruba mester pa funciona como debe ser. Tur hoben cu caba di studia mester garantía cu e ta haya trabou den e are acu e la studia. No ta duna leneing ni studieopdracht pa un profession cu nos no mester na Aruba. 7. Nos mester haci nos departamentonan gubernamental mas eficiente. Permisonan di trabou, construcción etc mester keda cla mas lihe pa no stanca economía. 8. Nos mester bai over di un impuesto directo pa un impuesto indirecto y asina garantisa cu tur hende ta paga belasting. Onderduiking di loonbelasting y inkomstenbelasting ta pasa pa historia y nan por wordo elimina.

Expresionnan haci den e articulo aki no necesariamente ta refleha opinion di ArenaPoliti.co