Benny Nisbet (PPA): “Hamas…basa riba nos constitucion, basa riba e ‘proceso di screening’ pa juramenta como ministro ….Por larga un ministro ‘acusa’ …ta cu vakantie!!”
Porfin despues di casi un luna Presidente di Staten drs Mervin Wyatt Ras a jama un reunion di parlamento pa trata e caso unda un ministro ta bao di un investigacion profundo y Conseho di Ministro lo a dunele permiso pa bai di vacacion ….!
Constitucion di Aruba ta bisa y PPA ta cita:
‘art 2. 1 consiso 3 ta bisa: ‘De ministers zijn verantwoordelijk aan de Staten’.
Art 2.2 Indien een minister het vertrouwen van de Staten niet langer heeft, stel hij zijn ambt ter beschikking’.
PPA no a tende miembronan di parlamento/oposicion cita e articulonan aki y keda ripita esaki durante di reunion…..esaki ta e esencia.
Na prome lugar un Minister debe cuenta na Staten y NO na Conseho di MInistro !!
Na di dos lugar……ora un Ministro ta den un problema serio ….Staten mester atende e asunto den un termino corto y expresa si nan tin confiansa den e ministro. Y aki ta unda Presidente di Staten sra drs Wyatt Ras a ‘mina’ autoridad di Staten door di keda sin jama e reunion aki UN luna largo !!
PPA ta ripiti den pasado na varios occasion PPA a propone pa partidonan jega na un ‘Codigo di Conducta’ pa tanto Ministro como Miembro di Parlamento pero ambos partido cu tabatatin e signature NO a desea esaki y como tal e situacion aki a desaroya su mes SIN cu tin regla mas extenso con pa actua.
Door di NO jama reunion di Staten di viaha y door cu Conseho di Ministro a atende caso Paul Croes como sifuera cu E ta un ambtenaar cu sea por worde ‘geschorst of bai cu vakantie’ e caso tristo aki a worde atendi na un forma cu un Gobierno/Staten cu ‘moral y fatsoen’ jamas lo a permiti.
FALTA DI SERIEDAD PA ESENCIA DI E REUNION !!
Sin kita for cu algun miembro di parlamento por tabata serio den nan descurso….e impression major di pueblo y di PPA ta cu a falta seriedad pa cu e caso tristo aki. A falta di accentua e cuadra legal di nos constitucion pa un asunto serio y delicado asina ….y pesey pueblo y PPA ta di opinion cu parlamento den su totalidad a faya den e asunto serio y delicado aki.
E impression major ta cu parlamento su nivel a bolbe baha y tabatatin mas atencion pa insulta otro y accentua sea famia Eman of famia Croes cu tabata atencion pa e seriedad di e asunto….esta un ministro bao investigacion anto cu vakantie na cas.
Tin mas implicacion cu lo resulta di e reunion aki……pasobra awo Aruba tin un Ministro acusa di actonan hopi serio……….den function…….cu vacacion ….anto cobrando salario keto bai.
Esaki PPA ta hanja cu ta un insulto pa e ‘status’ di Aruba den Reino Hulandes. Esaki NO ta cuadra cu tanto ‘screening’ prome cu un ciudadano ta pasa den prome cu e por juramenta como Ministro. Di e proceso aki so ta refleha e seriedad di e caso tristo aki !!
Basa riba nos constitucion, basa riba normanan di moral y fatsoen, basa riba e procedura di ‘screening’ hamas un majoria di Staten tabatatin mag di vota contra e mocion presenta pa oposicion !!
Basa riba e reunion di parlamento bao di nivel aki pueblo por comprende di con PPA a scoge como titulo pa nos programa di eleccion ‘ARUBA ….PA E PROXIMO NIVEL’ !!
Aruba, 3 di mei 2017
Lider Politico di PPA
BENNY NISBET
Expresionnan haci den e articulo aki no necesariamente ta refleha opinion di ArenaPoliti.co