Evelyn Wever-Croes (MEP): Solucion #1 pa medio ambiente
PAGA CANDELA DI DUMP Y BAHA E SERO DI SUSHI
ORANJESTAD -- Un tema importante trata durante e debate di millennials ta e tema di medio ambiente. "Prome cu papia di cualquier otro tema di medio ambiente, nos mester soluciona e problema di dump. Si bo cana den Parkietenbos, Simon Antonio y vecindario, bo ta sinti e molester di huma y candela, y di musca.
E solucion riba termino corto pa MEP ta:
- Paga e candela y percura pa e candela no sende mas. Pa elimina e molester di huma y candela cu awor ta e problema mas serio. Mester pone tubonan den e sero di sushi, pa e gas por sali sin causa explocionnan bou di e sero pa asina evita candela.
- Sushi cu ta wordo hiba eynan tur dia mester wordo procesa mesora. Si ta e planta cu a wordo boycotia, of otro planta, no ta interesa mi. E problema mester wordo soluciona, pa asina sushi cu drenta wordo procesa pa evita cu e sero sigi crese
- Despues mester cuminsa na baha e sero di sushi door di procesa e sushi of exporta e sushi
Pa yega na un solucion structural riba e tereno di medio ambiente, nos mester desaroya un maneho responsabel di sushi riba henter Aruba, especialmente pa e dumpnan illegal y pa conserva nos medio ambiente. Un maneho responsabel di sushi meste rta basa riba separacion di sushi y concientisacion. Ban concientisa nos muchanan cu nan mester tene Aruba limpi, y nan mes lo educa nan mayornan. Nos campaña di concientisacion lo ta basa riba e 3 "R" nan: Redusi sushi, Re usa mas tanto posibel, y Recicla sushi.
MANEHO STRUCTURAL DI MEDIO AMBIENTE
Un maneho structural riba tereno ambiente mester ta basa riba e sigiente puntonan:
- Maneho structural riba desperidicio na Aruba, ancra den ley
- Maneho responsabel riba medio ambiente: reserva e areanan di naturalesa realmente pa naturalesa
- Ley di medio ambiente, cu autoridad pa actua y cu multanan pisa
- Marine park, pa proteccion di nos bida marino
- MER-committee cu autoridad pa controla estudionan di impacto riba medio ambiente, y nan ehecucion
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...