Abo, ciudadano di Aruba, bo a sinti prosperidad den e ultimo 8 añanan di gobernacion? 

Con bo por a sinti prosperidad, si bo poder di compra a bay atras pa motibo di BBO y BAZV, niun control riba preis, no a amplia e canasta basico, gobierno a endeuda e pais aki pa por lo menos e siguiente 27 aña cu e projecto di renobashon di hospitaal, mester paga number di auto den un biaha, schoolgeld a subi y aircogeld a bini aserca, cu tur e klinkers y asfalt, bo grondbelasting lo bira sky high! 

Ami lo considera esaki prosperidad pa un grupito, paso si di berdad e pueblo a sinti prosperidad, criminalidad lo no ta azotando nos dushi isla caminda bo no por ta sigur ni den bo cas mas! 

Kico ta prosperidad segun PPA? 

Prosperidad ta ora tur mucha por bay scol despues di a desayuna na cas, tin tur materiaal pa bay scol, bukinan y no kopia ta wordo otorga na school pa asina nan por tin nan mente trankil pa por concentra riba e enseñansa cu e maestro ta duna na scol.

Muchanan cu ta illegal no mester paga consequencianan y wordo nenga pa bay scol of e gastonan ta impagabel pa e mayornan cu den mayoria caso ta gana minimum loon. E mayor kier su jiu cu ne y ta trecele Aruba sin pensa riba e posibel consequencianan. Serca PPA e mucha ta centraal, sin importa su status, e mester por bay scol sin problema y wordo segura pa haña atencion medico. 

Prosperidad ta ora un famia no mester cremencha y worry con ta e.o. paga awa, corriente, cumpra cuminda y paga bus pa bay trabao of scol.

Muchanan mester por haña omvang pagabel y confiabel despues di scol cu ta juda e muchanan cu huiswerk y opvang pa mayornan cu ta traha, pa asina aki evita cu nos futuro di mañan ta cay den man robez.

Con PPA lo soluciona e problema aki? 

Ora PPA drenta gobierno cu boso apoyo, nos lo decreta un estado di crisis, caminda lo mester restructura presupuesto di país Aruba. E departamentonan lo mester por baha nan gasto cu entre 3% pa 5%. E excepcionan cu lo tin ta pa e.o.departamento di asuntonan social, departamento di enseñanza ycuerpo di polis. Esaki ta pa crea espacio pa por inverti den e aspecto educacional, social y di combati criminalidad.

Decretando e crisis tambe lo conduci na baha gasto di coordinadornan cu un Minister por tin na su disposicion, e cantidad di Minister  (cual tur dos nos kier hinca den un ley) y mara man di e Minister pa no por derrocha placa di país Aruba sin mas. Caminda leynan existente di destaho publico ta wordo analysa y eventualmente modifica pa asina no duna espacio pa sin mas otorga contractnan y projectonan cuantioso sin cu a pasa e procedura stipula pa nos ley di comptabilidad.

Nos lo inverti mas den enseñanza, cual no necesariamente ta nifica únicamente subida di salario di meastronan. Cu un acuerdo cu ta wordo honra y ehecuta door di e siguiente Minister di Finanzas, den e prome, di dos y di tres presupuesto di País Aruba, nos lo inverti den e siguiente 3 aña un total di 120 miyon florin. E fondonan aki lo wordo reparti como lo siguiente:

• 1/3 parti lo ta enfocá riba e alumno/studiante, cual subsidio lo tin un subida substancial pa persona;
• Baha schoolgeld gradualmente bek pa esaki no mester ta un dolor di cabez pa mayoría mayor den nos cumunidad. Esaki ta un tarea di gobierno según nos Staatsregeling.
• Un parti lo enfocá riba e maestronan cu bij y omscholing pa asina nos por cuminsa pone e enfoque riba nos trabaonan di futuro y pa e enseñanza ofrecí tin esaki como meta;
• Maneho di enseñanza lo ta dirigí na garantisa un enseñanza di calidad y tambe lo focus ribe educacion permantente pa mayornan di edad;
• Democratisacion di enseñanza, cual ta encera mas participacion di maestonan, mayornan y studentenverenigingen.
• Focus riba educacion permanente tambe dirigí riba nos mercado laboral, caminda e personanan cu no por haña trabao por wordo re-educa pa asina por ocupa otro funcionnan.
• Introduci of cambia e manera con Direccion di Inspeccion di Enseñanza ta traha, pa asina tur aña ora scol sera un analysis ta wordo hasi cu ta enfoca riba señala e problemanan cu a wordo constatá y bini cu solucionnan cu lo wordo implementa.

Implementando un Mededingingsauthoriteit cual ta forma parti di Good Governance; esaki ta un instancia neutral cu lo zorg pa controlnan tuma lugar pa asina combati acuerdonan di preis y competencia inhusto. Esaki lo conduci na preisnan mas abou, calidad di e productonan cu ta wordo bendí y lo zorg pa mas transparencia. Te hasta e companianan cu monopolio lo wordo controla pa asina nos por gosa di preisnan husto pa productonan y servicionan cu ta wordo ofrecí. Esaki lo conduci na un subida di cada un di nos su poder di compra!

Cu bo sosten, Aruba Semper ta prome! Level Up cu PPA!

Lider di PPA, Kar-Lie Ng #2 riba e lista combiná!

Expresionnan haci den e articulo aki no necesariamente ta refleha opinion di ArenaPoliti.co