Partido MEP kier extende un caluroso pabien na lider di partido sra. Evelyn Wever-Croes y su esposo Kenneth Wever, cu e veredicto triumfador contra e corant DIARIO. E berdad nunca a perhudica ningun persona ningun causa y ningun nacion, y asina pues e berdad a bolbe vence. Nos cu ta forma parti di e gran famia di MEP nunca a duda den ingtegridad di nos lider ni di su esposo, pues pa e gran famia di MEP e veredicto aki ta un confirmacion cu nos tin e mihor lider cu nos por pidi na es momentonan aki. Nos partido a conose 3 lider di taya, sr. Betico Croes den felis memoria, e TATA di nos pais. Sr. Nelson Oduber, cu a goberna e pais aki pa 4 biaha, e UNICO persona cu e logro importante aki riba su nomber. Y awor e prome lider femenino Evelyn Wever-Croes, cu a gara e bandera y sigi cu e lucha. Nos no por pidi mas. Y pesey awe nos ta celebra e triumfo aki contra e maldadnan di nos oponentenan, contra e envida di un corant, y contra frustracionnan di Mike Eman cu ta mira su popularidad baha y sigi baha te na suela. Oponentenan ta hasi uso di tur sorto di medio pa atacha nos lider y su famia, su esposo, su yiunan y su mayornan, na forma inhusto y infunda. Pero awe e berdad a vence un biaha mas.

Partido MEP ta sostene nos lider y tin completo confiansa den dje, e union y forsa cu nos lider ta treciendo bek den nos partido, ta wordo sinti y temi pa oponentenan, y pesey porco sushi ta busca muraya limpi pa frega su lomba.

Dios bendiciona nos lider y su famia, pa por sigi guia nos partido, y nos pais den rumbo positivo.