Evelyn Wever-Croes (MEP): 2 extra minister ta costa 16 miyon extra cada anja
STA CRUZ – Lider di MEP Evelyn Wever-Croes un biaha mas ta trese prueba dilanti cuanto gasto dos extra minister ta trese cun’e.
STA CRUZ – Lider di MEP Evelyn Wever-Croes un biaha mas ta trese prueba dilanti cuanto gasto dos extra minister ta trese cun’e.
“Ya den presupuesto di anja pasa nos a mira esaki, pero awor nos ta mira cu apesar di tanto crisis den nos pais, gobierno no a baha gastonan di e ministerionan.
Na anja 2013, despues di eleccion, Mike Eman a comete un eror grandi door di sucumbi pa presion di dos candidato di AVP cu a exigi pa bira minister. En bes di pensa riba Aruba, riba e debe cu e ta hinca nos paisa den, Mike Eman a scohe pa complase nan y asina hinca Aruba den mas debe.
Y awor nos por calcula cu e gastonan pa pone dos minister extra ta 17 miyon pa cada anja. Anja 2016 ta bai bira e di tres anja, y pues e gastonan lo bira mas di 50 miyon florin, djis pa complase cu dos candidato cu kier a bira minister.
COMPARACION CU GOBIERNO DI MEP
Gobierno di MEP a goberna hasiendo mucho menos gasto, y a goberna bon! Pa cuminsa e cantidad di staf rond di e ministernan tabata mucho menos, un average di 16 persona na cada oficina di minister. E gobierno aki tin 338 coordinador riba payroll y ainda mas di 200 riba contract individual of via nan compania. E cantidad di staff na cada oficina a base di e payroll ta 38, sin conta tur esnan cu tin contract separa. Ta logico cu esaki ta trese hopi extra gasto cune!
Y ainda tin politiconan di AVP kier pretende cu 9 no ta mas cu 7.
Si analisa e presupuestonan bon bo ta yega na e sigiente conclusion: Na anja 2009 MEP tabata tin 7 minister, e gastonan di e 7 ministernan ey tabata 30.4 miyon florin. Na anjanan 2010 pa 2013 AVP tabata tin 7 minister, e gastonan average di e anjanan ey pa e 7 ministernan tabata 42.3 miyon florin. Na anja 2014 nan a amplia e cantidad di minister, hasi’e 9, e gastonan average di anjanan 2014, 2015, 2016 pa 9 ministernan ta 46.7 miyon florin
Den e grafico adhunto bo por mira con hopi MAS gasto gabinete Mike Eman ta causando compara cu Gabinete Nelson Oduber. Y bo mes por contesta e pregunta: 9 minister ta MAS cu 7!
16 MIYON ADICIONAL TUR ANJA
Conclusion: door di a amplia e cantidad di ministerio cu 2 ministerio extra, ta costando pueblo 16 miyon florin ADICIONAL cada anja. Nos di MEP ta bai propone pa elimina esaki y bai bek na e nivel di 2009, tempo di MEP, y e 17 miyon ey nos por inverti den ensenjansa, den cuido di salud, den cuido social, of pa paga debe pa asina nos no pasa tanto debe riba nos yiunan of nan yiunan” tabata palabranan di Lider di MEP Evelyn Wever-CroesExpresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...