Nos  Korectie Instituut  Aruba ta un vez mas den noticia….!  Lamentablemente  negativo un vez mas pa e huido di un preso.  Cu e articulo aki PPA kier a cuestiona e maneho pa cual nos Ministro di Justicia mr. drs. Arthur Dowers ta  constitucionalmente responsabel. Segun nos informacion nos instituto K.I.A. ta un di e  servicionan di gobierno cu tin mas problema y ta ricibi  menos atencion di gobierno/parlamento y di nos sociedad.

Personal:

Segun informacion di PPA…nos Instituto K.I.A.  no tin suficiente personal pa cualkier gerencia por hiba un maneho responsabel. Eherciendo un trabao den K.I.A. e  personal  ta bao di cierto pression humano kaba……. pa  ejecuta ‘overtime’  ….te cu ta bira asina hopi cu e personal nan bida diario/familiar ta worde affecta……anto nos tin di puntra…..pakiko varios  personal di K.I.A. ta buscando oportunidad pa otro departamento di gobierno etc.  Pa nenga nan y forza nan como personal pa sigui ejerce un trabao unda  gobierno/ministro/parlamento ta na altura cu na prome lugar NO tin suficiente ‘personal’ ta simpelmente contribui na e ‘chaos’ cu  tin den K.I.A. !!  Pues PPA lo kier hasi un pregunta publico….segun e planificacion di e  prison e tempo ey…..cu cuanto personal e lo mester a funciona pa un cierto cantidad di preso…..y  cu cuanto personal e ta funciona awor aki…cu cuanto preso ??

Tratado Internacional:

Aruba ta parti di Reino Hulandes y como tal mester cumpli cu cierto tratado internacional. Pa hopi tempo por a comprende cu Aruba esta K.I.A.  No ta cumpliendo cu e  nivel y reglanan internacional cu e tratado cu Aruba ta mara na djele….Pregunta di PPA ta…Kiko ministro Dowers a hasi ultimo tempo pa K.I.A. por jega na un nivel di funcionamento cu  Aruba ta cumpli cu e tratado internacional.

Sosten Social….??

Con ta para cu e sosten social dentro di K.I.A.  pa tanto  personal como preso ???  Cuanto personal tin cu ta atende e tereno aki ??  Na K.I.A. mes  y pafor di K.I.A. ??

Atencion medico ….??

Mas y mas ta jega informacion na PPA cu ora  preso pidi pa atencion medico …. Esaki  no ta worde duna dentro di un espacio responsabel…pero ta tuma basta hopi  ??  Especialmente ora e atencion medico mester worde busca  pafor di K.I.A.  Esaki ta Berdad ???   Lo ta bon pa publicamente duna un splicacion …di e  atencion medico …disponibel den K.I.A. y e staff disponibel pa atende esaki ??  Y duna un bista cuanto tempo ta dura pa un ‘preso’ worde hiba pafor di K.I.A. pa atencion medico na un dokter/Clinica/ Hospital etc. ???

Accento riba  Korectie ….?? Programa official pa juda coregi e preso etc ?

PPA lo kier a tende …con e programa official ta di nos Instituto K.I.A.  esta Korrektie Instituut  Aruba….pa juda ‘koregi’ e presonanan di tal forma cu mas menos posibel lo regresa K.I.A. ?  Kiko ta e element(nan) di e programa aki ??  Cuanto curso ta worde duna den K.I.A. ??   Den cual direccion e cursonan aki ta ? Con ta cu e participacion di e presonan ??   Cu cuanto  instancia social K.I.A. tin un ‘working relationship’ y di cual diversificacion e diferente instancianan aki ta consisti ??

Presupuesto di K.I.A. :

Nos flamante Ministro encarga cu K.I.A. a sinti e necesidad di a manda mensahe publico pa cu propio gobierno cu K.I.A. lo tin mester di un DIEZ MILLION FLORIN mas pa por cumpli cu cierto necesidadnan….y el a mustra  cu si no ta asina ……..Aruba lo bolbe worde critica door di e instancia europeo cu ta controla K.I.A. periodicamente. Aparentemente e ministro lo a ricibi solamente DOS million florin extra…den ki direccion e fondo aki lo worde usa ??

Den e programa oficial di ‘Korectie Instituut Aruba’ …..ta tene cuenta pa prepara e ‘preso’ pa su regreso den comunidad…?  Y tin cooperacion social di otro servicio di gobierno pa juda  e preso pa e por hanja un trabao etc  na su regreso den comunidad pa evita cu e bolbe cai den erornan cometi….??

PPA ta sinti cu parlamento di Aruba no a pone suficiente atencion riba  K.I.A. y su funcionamento den su totalidad  Ni durante presupuesto….menos ainda na otro momento. PPA for di pafor di parlamento ta sinti cu nos sociedad mester obliga mas atencion pa e instituto . Mester tene cuenta cu un preso ta keda un ‘ser humano’ cu a comete un eror pa cual e ta sinta un castigo….sin embargo  un sociedad cu ta respeta su mes…mester demanda mas atencion di su autoridadnan pa atende  cu nos presonan….!!

Nan mester sinta nan castigo y worde prepara pa regresa den nos cumunidad…! Majoria preso ta sali for di prison cu v.i.(voorwaardelijke invrijheidsstelling) cual ta sosode bao di cierto condicion cu e preso no ta comete algo dentro di un periodo cu ta sigui. Sin embargo e pregunta ta……con gobierno pa medio di su departamentonan social/laboral ta duna sosten na un x preso na momento cu e a sinta su castigo pa e ricibi un sosten financiero pero tambe ajudo pa jega na un trabao adecuado.  PPA ta boga cu gobierno su  departamentonan duna sosten den esaki na e preso. Nos ta accentua TUR ta ser humano y mester hanja e ajudo pa por bira ciudadanonan ejemplar.

Si gobierno y K.I.A. no por esaki of no ta hanja e fondo pa cumpli cu esaki ….anto pa cuminsa lo mester cambia e nomber …envez cu e accento ta riba “correctie’  …..lo mester jamele simpelmente PRISON !! Esey lo NO ta un bon ‘zet’  siendo parti di Reino Hulandes cu coneccion na Europa !!

Por ultimo  e prison a worde construi na un sitio unda e ‘salo di lamar’ ta affectele  y lo sigui affectele seriamente. Gobierno actual tin intencion kizas di contrui un otro prison na  un otro sitio…..? Manteniendo e prison na e sitio actual ta simpelmente trece cune cu e ta rekeri mas inversion pa mantencion di tal forma den curso di tempo.

PPA lo bin bek riba e tema aki !!

Aruba,12  februari     2016.                                                       Lider Politico di PPA
                                                                                                      BENNY NISBET

Expresionnan haci den e articulo aki no necesariamente ta refleha opinion di ArenaPoliti.co