Ta un BURDUGU so por pensa y bisa algo asina. 

Minister Michelle Hooijboer-Winklaar ta otro minister mas cu nunca a demostra interes pa atende cu e tema di abuso sexual di muchanan. Como e unico hende muher y e unico mama den e gabinete, lo bo a spera cu siquiera e ta hasi algo. Pero nada.

Y no ta nada stranjo, pasobra ya na anja 2013, tempo cu e tabata minister encarga cu asuntonan social, el’a mustra su falta di interes.

Den Parlamento minister Michelle Hooijboer-Winklaar a declara cu "abuso sexual di muchanan ta un di esunnan menos grave di tur e abusonan". E expresion aki a cai den masha mal tera serca esnan cu tabata sigi e reunion. Ta con un minister por bisa cu abuso sexual di menor ta esun MENOS GRAVE? Como mama e no por tin poco mas comprension pa e dolor cu un mama ta pasa aden? E mes como mama mester por sa mihor cu algo asina bo no kier pa pasa cu bo yiu HAMAS!
Pa colmo, no ta berdad cu e ta esun menos grave. Pa e mucha cu talves na e momento aki ta wordo abusa, esaki ta algo hopi grave mes! Pa e mama cu awor a haya e noticia cu su yiu a wordo abusa, sigur cu e ta sumamente grave!
Cu e expresion aki Minister Hooijboer a demostra un biaha mas cu e no tin sentimento, cu e ta un burdugu. Ta un burdugu so por expresa su mes di e forma aki.

Expresionnan haci den e articulo aki no necesariamente ta refleha opinion di ArenaPoliti.co