Un gobierno cu ta pa pueblo lo traha pa pueblo. Un politico honesto lo hasie cos nan corecto i no desvia di promesa. Un ser humano cu tin bondad lo hasie todo por todo pa hiba su mes, famia i Aruba dilanti. Persistencia ta algo hopi importante pa por jega unda mester jega. Dobla lomba of bira skina ta muestra di cobardia. Tur dia mi kier por wak mi juinan den nan cara i bisa mi mes cumi ta hasiendo un diferencia pa nos tur. Bida di awe no ta mane 10 anja pasa, laga nos no ban papia di 30 anja of mas pasa. Crimen ta azotando nos tur den forma cruel. Cuerpo Policial tin falta di material, bijscholing, facilidad i sosten. Ora tende den discushon cu ta pa motibo di gobierno anterior of pa motibo di Venezolano nan, mi ta puntra mi mes si ta falta di "cojones"nos minister tin of si ta Mike Eman deliberadamente tin nos minister di husticia abandona? Caya Betico Croes ta morto, economia ta sangrando i hopi persona ta perdiendo trabow. Unda nos otro Mike ta, economia tabata su cartera, aworaki a bira turismo. Mane sa bisa na Hulandes "we houden ons hart vast". Pa nos prome minister Mike Eman tur cos ta draai rond e "show" di dje. Politicamente of miho bisa den lenga di pueblo Mike Eman ta e campeon den "basila" i manipula. Den esey mi tin cu dune su credito. Pa locual ta - pone bo palabra na bo accion - mi ta sumamente desapunta cu su modus operandi. E no a cumpli cu pueblo y mas bien a traiciona nan confianza.
Solo lo mester sali pa nos tur cu ta biba riba e pais aki, leynan tey pa nos tur, cu plaka di pueblo no ta hasie wega of payasada, no por hasie distinguishon entre color politico i nos juinan di tera merece un futuro sigur i briyante. Nos pueblo merece e oportunidad pa tin un mihor futuro, un futuro cu di berdad lo brinda un mihor mayan caminda tin prosperidad pa tur.
Nos kier crea e oportunidnan ey pa nos pueblo, nos kier percura pa seguridad i confiansa bek den nos pueblo.
Ban tur vota na September i vota Mep, vota Dangui!

Expresionnan haci den e articulo aki no necesariamente ta refleha opinion di ArenaPoliti.co