Pueblo di Aruba, atrobe ta bay tin e supuesto famoso E-Aruba Business Seminar. Otro forma pa saca placa for di e pueblo di Aruba, anto door di kendenan! Pa mi sorpresa, mi a mira sr. F. Nuboer, mihor conoci como NuBoef, ta entre esnan cu ta organizando e evento aki.  Ta cla den mi mente ainda con un  trahador di Insel Air Aruba, a informa mi cu sr. Nuboer ta esun supuestamente encarga cu finanzas na Insel Air y cu su persona tabata indicando na e trahadornan cu a keda, cu nan mester bay traha y no ta haya pago tampoco. Te cu 13 maart 2017, ta dos luna sin cu nan a ricibi nan salario. Mientras cu nan mester presenta na trabao. Esaki instruí door di departamento di labor pa colmo. Mester menciona cu sr. Nuboer no a paga e belasting cu el a retene di e trahadornan pa mas cu tres aña. Esaki sin cu Departamento di Belasting y Minister Angel Bermudez a bisa algo. Friends & family den pleno accion.
Awor ta net sr. Nuboer ta encarga cu bende tickets pa dicho evento na balor di Afl. 100 y Afl. 50.

Pa colmo gobierno di AVP ta sponsor e evento aki hunto cu SETAR di bo tambe. Hopi hilarico ta pa menciona, si e oradornan profesional ta na altura cu pais Aruba ta e pais cu e porcentahe di belasting mas halto na mundo? Cu tin ningun incentivo economico? Tur cu kier habri negoshi, tanten cu AVP ta na mando, ta destina pa muri na man di Minister Angel Bermudez. No ta por nada e ta goza di e nomber di cariño na spaño: El Angel de la muerte Financiero de Aruba.

E evento ta completamente planifica y organisa pa e grupo cu ta traha bao di e paraplu di gobierno di AVP. Mas Friends & Family cu esaki no ta existi den mundo. Tur evento ta pa enriquece un grupito  privilegia di partido AVP. Cuanto mas pueblo di Aruba kier sigui soporta?

Expresionnan haci den e articulo aki no necesariamente ta refleha opinion di ArenaPoliti.co