Rene Herdé (AVP): Ocho aña di MEP vs ocho aña di AVP
ECHONAN TA MUSTRA TA PA KEN MESTER VOTA PA ARUBA BAY DILANTI!
Ora di tuma desicionnan importante den bida, hende racional ta busca informacion concreto pa crea claridad den nan mente y paz den nan curason. Asina nan por tuma un bon desicion. Nan no ta laga emocion of opinion di otronan influencia nan desicion final. Nan ta busca echonan pa basa nan desicion riba dje. Disidi pa ken vota den un eleccion ta un desicion importante. Pesey informacion concreto di echonan ta importante pa hende usa den tuma nan desicion. Pa yuda den esey nos ta duna aki un prome comparacion di echonan cu tur hende por controla y verifica pa nan mes. E comparacion di 8 aña di gobernacion di MEP y 8 aña di gobernacion di AVP, ta mustra bon cla ta cua partido a goberna nos pais bon, soluciona problemanan cu e pais tabata tin y crea oportunidad nobo pa nos pais y nos hendenan bay dilanti. E grafico cu e comparacion di con nos pais ta na fin di 8 aña di gobernacion, ta duna tur hende un bon base pa nan tuma nan desicion pa ken nan mester vota. Esaki ta un comparacion riba algun punto importante pa evalua un gobernacion. Tin mas punto y pesey lo sigui cu mas comparacion!
Expresionnan haci den e articulo aki no necesariamente ta refleha opinion di ArenaPoliti.co