DEN HAAG -- Parlamentarionan di Aruba ta reuniendo cu demas parlamentarionan di Reino na Den Haag, Hulanda den cuadro di reunionnan IPKO. Durante e prome dia di IPKO a trata e tema oportunidadnan economico den Reino.
Riba peticion di sr Ady Thijsen di fraccion di MEP, a organisa un presentacion di parti di departamento di asuntonan economico di Hulanda, tocante ‘exclusieve economische zones’, y eyden e discusion di gas y petroleo na Aruba y Saba a resalta.
Hulanda a duna e impresion di tin un interes grandi den gas y petroleo di Aruba y Saba, y locual tabata mas preocupante ta cu Hulanda a duna e impresion cu tin palabracionnan hopi avansa hasi cu gobierno di Aruba, pasobra ya e hulandesnan tabata bisa cu e gas y petroleo ey no ta di Aruba, pero e ta di Reino.
“Mi a keda sorprendi cu nan tin e asunto aki asina leew regla caba, sin cu pueblo di Aruba ni parlamento di Aruba sa nada. Ora nos ta bek na Aruba nos lo yama e minister den Parlamento pa duna cuenta pasobra no por ta asina cu Mike Eman y su gobierno ta regala patrimonio di pueblo na Hulanda, sin consulta cu pueblo di Aruba”, segun sr. Ady Thijsen for di Hulanda.

Expresionnan haci den e articulo aki no necesariamente ta refleha opinion di ArenaPoliti.co