Ta increible con e arogancia di poder di AVP ta pone parlamentarionan sinti nan mes mas cu Dios! Parlamentarionan mester vigila y controla ley. Un parlamentario cu su mes ta viola ley ta un parlamentario ILEGAL!

Clariska Velasquez contra tur regla y contra tur conseho a exigi pa bay opleiding di polis, apesar cu consehonan ta negativo. Velasquez a mustra un biaha mas ta ken ta manda! Y ora AVP ta na mando aparentemente ni Parlamento ta respeta ley mas. Velasquez demostrando un egoismo y arogancia increible, ta kita puesto di un otro polis pa por crece den su carera, basta Velasquez bay opleiding. Y esaki violando tur clase di regla. Acaso no ta Clariska mes a declara cu e no ta ambtenaar mas, pa asina e por a drenta Parlamento? Awor con por ta cu e mes ta actua CONTRA e declaracion ey?

Anto pa riba e escandalo aki e bin declara cu Parlamento no por haci nada, cu ta un stempel parlement tin, ta un berguensa grandi.

E ILEGALIDAD aki mester caba, y e parlamentario aki mester tene honor na su mes y retira, esey ta si e tin honor!

Expresionnan haci den e articulo aki no necesariamente ta refleha opinion di ArenaPoliti.co