………..Consecuentemente den e periodo menciona ensenansa a keda sin ricibi 1 billion florin !!

‘Ensenansa Prioriad no. 1’ di partido PPA pa anjas….! Lastima durante gobernacion di tanto signatura AVP y di MEP nan NO a duna ensenansa e ‘prioridad’ cu PPA lo a duna. Na prome lugar atencion den ensenansa hopi vez ta depende di e finanzas cu ta worde poni na disponibilidad di Ensenansa. E partidonan cu a carga responsabilidad pa Ensenansa durante 30 anja ta justamente e partidonan cu a carga responsabilidad tambe pa tanto e signature como e ministerio di Finanzas. Cu otro palabra 30 anja largo e partidonan politico cu signatura por a inverti mas den ensenansa pero esaki No a tuma lugar a lo menos no den e forma cu esaki lo mester a tuma lugar. Pesey den curso di 30 anja aki un lista largo di scol no a ricibi atencion debido….despues di un periodo sumamente largo algo ‘por fin’ a worde renova pero ta keda semper e pregunta si nan a worde realmente ‘moderniza’ ?

E partidonan aki ta defende nan mes ora nan publica e cifra riba nan presupuesto cu anualmente ta worde inverti den ensenansa y compara esaki cu e inversion e anja anterior. En general e ta mustra un adelanto pero esnan cu ta presenta esaki No ta splica pueblo cu tin un norma international basa riba cual por huzga si un pais ta cumpli cu su sector di Ensenansa debidamente. Y basa riba e norma di UNESCO aki cu ta bisa cu un pais lo mester inverti seis (6) % di su GDP/Entrada Nacional ….den Ensenansa anualmente…anto aki ta unda e ‘rabo di porco ta krul’….e ultimo vez cu Aruba a cumpli cu esaki lo tabata na anja 1986.

Awor pa nos di PPA keda mas obhetivo den esaki nos kier a splica kiko exactamente a worde inverti ultimo anja bao di gobernacion di AVP y kiko esaki ta di nos G.D.P. esta nos entrada nacional di anja 1997 pa 2011. 1997 pa 2001 ta cai bao di signatura di AVP, 2002 pa 2009 ta responsabilidad di MP y 2010, 2011 ta responsabilidad di AVP. Lastimamente nos no a hanja cifra di e anja di mas recien. PPA ta publica e cifranan aki pa nos pueblo por huzga debidamente.

Overheidsuitgaven voor Onderwijs:

Cifranan ta for di documentonan di tanto CBS como dept di Ensenansa.

Anotacion y Conclussion di PPA:

Un vez mas inversion den ensenansa a subi si bo compara e cifra directo cu ta wordo inverti p/m di e presupuesto. Esey e diferente signatura ta usa pa splica mundo di ensenansa y pueblo cu mas a worde inverti y cu nan ta cumpliendo cu nan deber. Den practica e suma ta mas…. Pero ta existi un norma internacional di UNESCO cu ta bisa cu un pais lo mester inverti 6 % di su entrada Nacional/GDP den Ensenansa y un vez mas aki ta unda e ‘rabo di e porco ta krul’. Aruba e anjanan menciona y probablemente majoria anja di nos Status Aparte NO a cumpli cu e norma aki. Consecuentemente por conclui cu ensenansa No tabata ‘prioridad no. 1’ pa e signaturanan menciona. PPA ta boga pa anjas cu Aruba mester inverti 6.5% di nos GDP den Ensenansa….6 % pa cumpli cu e norma di UNESCO y 0.5% como un forza retroactive pa e suma gigantesco cu Ensenansa no a ricibi.

Hopi notable ta cu e ultimo cifra official ta data di 2011 mientras nos ta na 2017 locual ta pone PPA cuestiona gobernacion di AVP cu aparentemente ta wanta cifra pa e instancianan official NO hanja na tempo pa por duna resultado di un periodo mas ‘updated’ !!

Aki ta keda demonstra cu entre 1997 y 2011 Aruba esta signatura AVP y signatura MEP NO a inverti seis (6%) di nos GDP/Entrada Nacional annual den Ensenansa. Cu otro palabra ningun NO a cumpli cu e norma internacional di UNESCO !! Kada porciento (%) cu NO a jega e seis porciento ta refleha un suma di alrededor di entre 70 pa 80 miljon florin annual. Esaki kiermen cu den e periodo di AVP 1997 pa 2001 14 anja aki Ensenansa a keda sin hanja alrededor di 1 biljon florin minimal !!

Inversion den Kapitaaldienst ?

Por analisa e suma inverti anualmente den ‘kapitaaldienst’ di nos presupuesto. E suma inverti durante varios anja ta indica tambe pakiko nos tin un lista largo di scolnan cu no a ricibi un mantencion debido pa hopi tempo.

Bao ambos gobierno e inversion den ‘kapitaaldienst’ ta poco durante varios anja pero mester anota cu bao di MEP esaki tabata ainda mas menos…cual a conduci tambe na e atraso den mantencion di e scolnan. Durante periodo 1997 pa 2001 e suma di 85.46 million a worde inverti p/m di kapitaaldienst den Ensenansa cual ta e.o. mantencion di nos scolnan. Durante e periodo di 2001 pa 2009 cu ta ocho anja e suma aki ta 54.4 million florin. Periodo di AVP esta 2010 y 2011 ta cuminsa cu un inversion pa anjanan 2010 y 2011 ta masha poco cu ta apenas 3.7 million. Aki pueblo por analisa con e lista largo di scolnan cu no a hanja un ‘upgrading/mantencion’ a crece substancialment.

PPA ta na altura cu durante e ultimo presupuesto e suma riba kapitaaldienst esta inversion den mantencion di scolnan a subi te na e suma di 27 million florin locual ta nifica un inversion grandi ..pero lo nos kier mira e cifra official di e ‘jaarrekeningen’ di anja 2012 pa 2016 pa nos y pueblo por huzga debidamente !!

Pa colmo den e periodo menciona nos entrada nacional cu na 1997 tabata 2.742 billion florin a aumenta pa 2011 pa 4.626.2 billion cual ta un aumento di 1.884.2 billion florin cual ta un aumento di 68 %. Esaki pa regla a duna ambos gobierno e posibilidad pa a cumpli cu e norma di UNESCO pero wowo habri ambos signatura a scoge pa NO cumpli cu esaki y NO duna Ensenansa locual e tabatatin derecho riba djele. A simpelmente aumenta locual tabata duna riba presupuesto…..pero NO a ejecuta e norma di UNESCO cu ta seis porciento (6) di nos GDP.

SOLUCCION ta un ACUERDO POLITICO !!

Awor kiko PPA kiermen ora PPA como UNICO partido pa anjas ta bisa cu ‘Ensenansa mester ta Prioridad no. 1’ ? Y kiko ta e soluccion ?

PPA kier un ‘acuerdo politico’ entre TUR partido representa tanto den parlamento como den gobierno pa garantisa cu lo mester duna Ensenansa un inversion di 6.5 %. Seis pa cumpli cu e norma di UNESCO y 0.5 % como un ‘forza retro activo’ cu anjas largo Ensenansa NO a ricibi. Esaki ta forma parti di palabracion relaciona cu un renovacion di e forma cu ta compila presupuesto di pais Aruba ! Tambe lo mester jega na un suma minimal pa pone riba nos ‘kapitaaldienst’ anualmente cu por garantisa mantencion di nos scolnan na un nivel debido.

Aki ta worde demonstra cu hopi necesidad di Ensenansa por a worde atendi debidamente. Hopi scol por a worde renova na tempo …! Ensenansa liber/gratis por a worde introduci pa ley. Por a evita e ‘aventura’ di copia pa mucha studia for di djele…! Por a moderniza nos scolnan na tempo por a pone ‘airco’ den tur scol sin cu majornan lo mester paga ‘aircogeld’…..pero NO e signatura di AVP/MEP a scoge pa NO hasi ‘Ensenansa PRIORIDAD no. UNO’ den nan maneho y esey ta meta principal di partido PPA cu sosten di pueblo di Aruba. 30 anja ta suficiente…..a bira tempo pa e ministerio di Ensenansa cai bao di un otro partido politico.


Aruba, 7 maart 2017
Lider Politico di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co