Na Tweede Kamer, e Senado di Hulanda, nan a caba di entrega un ley pa flexibiliza edad di pension. Den rueda di prensa di Partido Democracia Real Andin Bikker a duna e informacion aki.
Andin Bikker a papia di esaki pasobra tempo cu na Aruba a trata e bahamento di edad di pension den Parlamento, PDR a bin cu un mocion pa haci esaki similar na Curacao. Ayanan un hende por baha na su 60 aña solamente cu e ta haya un korting pero al least ta haya un entrada.

Na Hulanda e ley cu a ser presenta siman pasa ta similar na esaki y nan a acople na e life expectancy. Na Hulanda nan ta bayendo pa 67 aña pa edad di pension, y pesey nan a bin cu un ley di flexibilidad di pension.

Bikker ta haya cu na Hulanda ora di yega 80 aña un hende ta na flor di su bida, pasobra no tin bista riba edad di pension, y nos mester bin cu un ley asina. Tin casonan tristo cu PDR ta atende cu personanan cu sea tin cancer of otro malesa cronico, cu a obliga nan keda cas AO pero despues di dos aña a base di e ley di SVB si un hende ta keda dos aña ta meld riba e mesun malesa, SVb ta bisa e doño di trabao “te aki mi ta yega” y cu nan no ta paga e 80% di e entrada di e trahador pa mas di dos aña pa e mesun malesa ey.
E doño di trabao tampoco por carga e pago di salario di su empleado y e por dune su retiro.

Personanan den e casonan aki cu net ta yegando edad original di pension, esta su 60 aña tambe ta keda sin pension di AOV. Casonan aki ta hopi tristo y Andin Bikker ta tene su curazon pa nan, ora nan wordo yuda den Fundacion Pro Husticia, cu ta e tienda di ley, cu ta yuda socialmente y por nada, na personanan cu mester di conseho legal.

Na Aruba e ta bayendo gradualmente y awor tine na 62 pero pronto lo yega na 65. Bikker ta puntra su mes si e personanan aki mester bay aplica pa bijstand, pa 450 florin?

E ta pensa cu si su amienda lo wordo considera, y gobierno no kier a considere, aunke a yega na un acuerdo cu tur e sindicatonan cu gobierno cu den un periodo di seis luna lo evalua e ley di pension, pero nunca a sosode of mes nunca nan a wak e resultadonan tocante e amienda di Andin Bikker. E parlamentario a subraya cu aworaki e ta hayando razon, pasobra na Hulanda mes cu nan a adelanta na aumenta edad di pension a flexibiliza esaki.

Expresionnan haci den e articulo aki no necesariamente ta refleha opinion di ArenaPoliti.co